بيىلعى ءپىتىر ساداقا مولشەرى بەلگىلى بولدى

الماتى. KAZINFORM - ءپىتىر ساداقا ەلىمىز بويىنشا جان باسىنا 640 تەڭگە بولىپ بەكىتىلدى.

بۇل تۋرالى وڭىرلىك كوممۋنيكاتسيالار قىزمەتىندە وتكەن باسپا ءسوز ءماسليحاتىندا قازاقستان مۇسىلماندارى ءدىني باسقارماسىنىڭ نايب مۇفتيى كەنجالى قوڭىراتباي ۇلى ايتتى.

ونىڭ ايتۋىنشا، ءپىتىر ساداقانى رامازان ايىنىڭ باسىنان ايت نامازىنا دەيىن بەرۋگە بولادى.

«بيىل ءپىتىر ساداقا ەلىمىز بويىنشا ەكى كيلوگرامم ۇننىڭ ورتاشا باعاسى ەسەبىنەن 640 تەڭگە مولشەرىندە بەكىتىلدى»، - دەدى كەنجالى قوڭىراتباي ۇلى.

نايب ءمۇفتي سونداي-اق كاسىپكەرلەرگە باس مۇفتيدىڭ الەۋمەتتىك ماڭىزى بار تاۋارلار مەن ازىق-تۇلىك ونىمدەرىنە باعانى تومەندەتۋ تۋرالى ءوتىنىشىن جەتكىزدى.

«ەلىمىزدىڭ باس ءمۇفتي ناۋرىزباي قاجى تاعان ۇلى وتانداستارىمىزدى قاسيەتتى اي كەزىندە مەشىتتەردە وتكىزىلەتىن «رامازان قورجىنى»، «رامازان سىيى»، «رامازان ءتاتتىسى»، «جومارت جۇما» سياقتى قايىرىمدىلىق اكسيالارىنا ءوز ۇلەستەرىن قوسۋعا جانە كاسىپكەرلەردى الەۋمەتتىك ماڭىزدى ازىق-تۇلىك ونىمدەرىنىڭ باعاسىن بارىنشا تومەندەتۋگە شاقىرادى»، - دەدى ول.

بيىل قاسيەتتى رامازان ايى 11- ناۋرىزدا باستالىپ، 9- ساۋىرگە دەيىن جالعاسادى.