بيىل قوستاناي وبلىسى مەن الماتىدا KIA جانە مۋلتيبرەندتى زاۋىتتار ىسكە قوسىلادى
استانا. KAZINFORM - قازاقستاندىق وندىرۋشىلەردەن ساتىپ الىناتىن تاۋارلىق پوزيتسيالاردىڭ تىزبەسى ءۇش ەسەگە ۇلعايتىلدى. بۇل تۋرالى ۇكىمەتتىڭ كەڭەيتىلگەن وتىرىسى پرەمەر- مينيستر ولجاس بەكتەنوۆ وڭىرلەردىڭ ەكونوميكالىق وسىمىنە تۇسىنىك بەردى.

- وتكەن جىلى ۇكىمەت نەگىزىنەن وتاندىق تاۋار وندىرۋشىلەردى قولداۋ ماسەلەلەرىنە باسىمدىق بەردى. مەملەكەتتىك ساتىپ الۋلار شەڭبەرىندە تەك قانا قازاقستاندىق وندىرۋشىلەردەن ساتىپ الىناتىن تاۋارلىق پوزيتسيالاردىڭ تىزبەسى 4,5 مىڭ اتاۋعا دەيىن، ياعني ءۇش ەسەگە ۇلعايتىلدى، - دەدى و. بەكتەنوۆ.
ونىڭ ايتۋىنشا، رەتتەلەتىن ساتىپ الۋلار اياسىندا وتاندىق كاسىپورىندارمەن جالپى قۇنى 1 تريلليون تەڭگەدەن استام سوماعا ۇزاق مەرزىمدى جانە وفتەيك - كەلىسىمشارتتار جاسالدى. بۇل كورسەتكىش 2,5 ەسەگە ءوستى.
- ءوز كەزەگىندە، وندىرۋشىلەر كاسىپورىنداردى تەحنولوگيالىق جاڭعىرتۋ، ءونىمنىڭ ساپاسىن جانە جەرگىلىكتى ءوندىرىس كولەمىن ارتتىرۋ، ەڭبەك جاعدايىن جاقسارتۋ بويىنشا مىندەتتەمەلەر الۋدا. مىسالى، اۆتوموبيل وندىرۋشىلەردىڭ لوكاليزاتسيالاۋدى بيىل %30 عا دەيىن، ال 2027 - جىلعا قاراي %50 عا دەيىن ارتتىرۋ بويىنشا مىندەتتەمەلەرى بەلگىلەندى. بيىل ەكى ءىرى اۆتوموبيل زاۋىتىن، اتاپ ايتقاندا قوستاناي وبلىسى مەن الماتى قالاسىندا جالپى وندىرىستىك قۋاتتارى جىلىنا 160 مىڭ اۆتوكولىكتى قۇرايتىن KIA جانە مۋلتيبرەندتى زاۋىتتارىن ىسكە قوسامىز، - دەدى ۇكىمەت باسشىسى.
ونىڭ سوزىنە قاراعاندا، بىلتىر ۇكىمەت سىرتتان كەلەتىن تراكتورلار مەن كومباينداردى سۋبسيديالاۋدان باس تارتتى. بۇل وسىعان دەيىن قازاقستاندا ءوز زاۋىتتارىن اشقان شەتەلدىك اۋىل شارۋاشىلىعى تەحنيكاسىن وندىرۋشىلەر ءۇشىن ءتيىمدى بولدى. ماسەلەن، پەتروپاۆلداعى Claas نەمىس كونتسەرنىنىڭ زاۋىتىنا جاسالعان تاپسىرىس كولەمى 2 ەسەگە ءوستى. بۇگىندە باسقا دا اۋىل شارۋاشىلىعى تەحنيكالارىن وندىرۋشىلەر قازاقستاندا وندىرىستەرىن لوكاليزاتسيالاۋدى باستادى.
- ەلەكتروۆوزدار مەن لوكوموتيۆتەر وندىرىسىندە Alstom جانە Wabtec زاۋىتتارى ەلەۋلى تەحنولوگيالىق جەتىستىكتەرگە قول جەتكىزدى. وتكەن جىلى اتىراۋ وبلىسىندا قۇنى 350 ميلليون دوللار، ال جىلدىق قۋاتى 6 مىڭ ۆاگوندى قۇرايتىن زاۋىت ىسكە قوسىلدى. بيىل استاناداعى Stadler زاۋىتى العاشقى 50 جولاۋشىلار ۆاگونىن شىعارۋدى باستايدى، - دەدى پرەمەر- مينيستر.
بۇدان بۇرىن حابارلانعانداي، 2024 - جىلى ەكونوميكا 4,8 پايىزعا ءوستى. اۋىل شارۋاشىلىعىندا 13,7 پايىز، قۇرىلىستا - 13,1، ساۋدادا - 9,1, كولىك سالاسىندا 8,5 پايىز دەڭگەيىندە وسىمگە قول جەتكىزىلدى. وڭدەۋ ونەركاسىبىنىڭ كولەمى 5,9 پايىزعا ۇلعايدى. اگرارلىق سەكتور مەن وڭدەۋشى سالادا سوڭعى 10 جىل ىشىندەگى ەڭ قارقىندى ءوسىم تىركەلدى.