بيىل قازاقستاندىقتاردىڭ زەينەتاقىسى قانشالىقتى ءوستى

Жәрдемақы
Фото: gov.kz

2024-جىلدىڭ 1- قاڭتارىنان باستاپ قازاقستاندىقتاردىڭ زەينەتاقىسى ءوستى. سوعان بايلانىستى ەڭ تومەنگى ستاندارتتاردىڭ جاڭا يندەكسى پايدا بولدى، دەپ حابارلايدى El.kz اقپارات اگەنتتىگى.

ەلوردا اكىمدىگىنىڭ رەسمي سايتى تاراتقان مالىمەت بويىنشا، قازاقستانداعى ايلىق ەسەپتىك كورسەتكىش (ا ە ك) 1- قاڭتاردان باستاپ 3692 تەڭگەنى، ەڭ تومەنگى زەينەتاقى - 57853 تەڭگەنى، ەڭ تومەنگى كۇنكورىس دەڭگەيى - 43407 تەڭگەنى، بازالىق زەينەتاقى تولەمىنىڭ ەڭ تومەنگى مولشەرى - 28215 تەڭگەنى قۇرايدى.

وسىعان بايلانىستى 1- قاڭتاردان باستاپ زەينەتاقى مەن جاردەماقى مولشەرىن جىل سايىن يندەكستەۋ جۇرگىزىلەدى.

جاسىنا جانە ەڭبەك سىڭىرگەن جىلدارىنا بايلانىستى زەينەتاقى تولەمدەرىنىڭ مولشەرى الىناتىن مولشەردەن 9 پايىزعا ارتادى. جاسىنا بايلانىستى جاڭادان تاعايىندالعان زەينەتاقى تولەمدەرىنىڭ مولشەرىن ەسەپتەۋ ءۇشىن ەسكەرىلەتىن ەڭ جوعارى تابىس 55 ا ە ك (203060 تەڭگە) قۇرايدى. مەملەكەتتىك بازالىق زەينەتاقى تولەمىنىڭ مولشەرى 2024-جىلدىڭ 1- قاڭتارىنان باستاپ قازاقستان رەسپۋبليكاسى الەۋمەتتىك كودەكسىنىڭ 205-بابىنا سايكەس، كۇنكورىس دەڭگەيى جاڭا مولشەرىنە پايىزدىق قاتىناستا بەلگىلەنەدى.

زەينەتاقى جۇيەسىنە قاتىسۋ ءوتىلى 10 جىل نەمەسە ودان از بولعان نە ول بولماعان كەزدە بازالىق زەينەتاقى تولەمى ەڭ تومەنگى كۇنكورىس دەڭگەيى مولشەرىنىڭ 65 پايىزىن (60 پايىزىنىڭ ورنىنا) قۇرايدى، ونىڭ مولشەرى زەينەتاقى جۇيەسىنە قاتىسۋ ءوتىلىنىڭ ءاربىر تولىق جىلى ءۇشىن 10 جىلدان استام 2 پايىزعا، ءبىراق 105 پايىزدان اسپايدى. بۇل 2024-جىلدىڭ 1- قاڭتارىندا جاڭا جانە وتكەن زەينەتكەرلەرگە قاتىستى.

وسىلايشا، بازالىق زەينەتاقىنىڭ ەڭ تومەنگى مولشەرى 28215 تەڭگەگە، ال ەڭ جوعارى مولشەرى - 45578 تەڭگەگە تەڭ بولدى.

سوڭعى جاڭالىقتار