بيىل قازاقستاندا 1-سىنىپقا قابىلداۋعا قانشا بالادان ءوتىنىم تۇسكەنى بەلگىلى بولدى

استانا. قازاقپارت - 1-سىنىپقا وتىنىمدەر قابىلداۋ 2024 -جىلعى 31-تامىزعا دەيىن جالعاسادى، دەپ حابارلايدى ق ر وقۋ-اعارتۋ مينيسترلىگىنىڭ باسپا ءسوز قىزمەتى.

بۇگىنگە دەيىن 275177 ءوتىنىم كەلىپ ءتۇستى. ءبىرىنشى سىنىپقا وقۋشىلاردى قابىلداۋ بويىنشا اقمولا، الماتى، جەتىسۋ، پاۆلودار وبلىستارى 100 پايىز كورسەتكىشكە قول جەتكىزگەن.

الدىن الا بولجام بويىنشا، 2024 -جىلدىڭ 31-جەلتوقسانىنا دەيىن 6 جاسقا تولاتىن بالالار سانى 370 مىڭنان اسادى، وسىلايشا ولاردىڭ ءبىرىنشى سىنىپقا بارۋعا تولىق مۇمكىندىگى بار.

ازاماتتارعا قولايلى بولۋ ءۇشىن قىزمەت كورسەتۋ تولىعىمەن اۆتوماتتاندىرىلدى. اتا-انالار مەن بالالاردىڭ زاڭدى وكىلدەرى ءوز وتىنىمدەرىن egov.kz ەلەكتروندى پورتالىندا، سونداي-اق جەرگىلىكتى اتقارۋشى ورگانداردىڭ اقپاراتتىق جۇيەلەرى ارقىلى تاپسىرا الادى.

ءبىرىنشى سىنىپقا بالالار 6 جاستان باستاپ اتا-اناسىنىڭ نەمەسە بالانىڭ زاڭدى وكىلىنىڭ ءوتىنىشى نەگىزىندە قابىلدانادى. وتىنىمدەر دەمالىس پەن مەرەكە كۇندەرىنەن باسقا، دۇيسەنبىدەن جۇماعا دەيىن قابىلدانادى.

اۆتور
ايدار وسپاناليەۆ