بيىل قازاقستانعا قانشا ەلدىڭ مەملەكەت جانە ۇكىمەت باسشىلارى كەلدى
بيىل قازاقستانعا 32 ەلدىڭ مەملەكەت جانە ۇكىمەت باسشىسى ساپارلاپ كەلدى. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلايدى Kazinform.
«بيىل ءبىز سىرتقى ساياسي ترەكتە اۋقىمدى جۇمىس جۇرگىزدىك، قازاقستاندا ءبىرقاتار ءىرى حالىقارالىق ءىس-شارالار ۇيىمداستىرىلدى جانە وتكىزىلدى. قازاقستان مەملەكەت باسشىسىنىڭ، پرەمەر-ءمينيسترىنىڭ، سىرتقى ىستەر ءمينيسترىنىڭ شەت ەلدەرگە ساپارلارى ءوتتى، سونداي-اق ەلىمىزگە جوعارى دارەجەلى شەتەلدىك قوناقتار كەلدى. قازاقستانعا رەسمي ساپارمەن 32 مەملەكەت جانە ۇكىمەت باسشىلارى، 24 سىرتقى ىستەر ءمينيسترى جانە حالىقارالىق ۇيىمداردىڭ باسشىلارى كەلدى. ولاردىڭ ىشىندە ماجارستان، ۇلىبريتانيا، يتاليا، قىرعىزستان، ليۋكسەمبۋرگ، ماكەدونيا، ا ق ش، تاجىكستان، تۇركيا، تۇرىكمەنستان، وزبەكستان، شۆەيتساريا، وڭتۇستىك كورەيا جانە باسقا دا سىرتقى ساياسي ۆەدومستۆولاردىڭ باسشىلارى بار»، - دەدى ايبەك سمادياروۆ ۆەدومستۆودا وتكەن بريفينگتە.
ونىڭ اتاپ وتۋىنشە، ق ر پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋ وسى جىلى 23 ەلگە باردى.
اتاپ ايتقاندا ازەربايجان، بەلارۋس، بەلگيا، ماجارستان، قىرعىزستان، ق ح ر، ساك، ليۋكسەمبۋرگ، رەسەي، رۋمىنيا، سەربيا، سولتۇستىك ماكەدونيا، ا ق ش، تاجىكستان، تۇرىكمەنستان، وزبەكستان جانە ت. ب. مەملەكەتتەرگە ساپار جاسادى.
وتكەن جىلى 34 حالىقارالىق شارتقا قول قويىلدى.
ونىڭ ىشىندە مەملەكەتارالىق شارت - 12، ۇكىمەتارالىق شارت - 15 جانە ۆەدومستۆوارالىق شارت - 7 قۇجات.
«ءبىزدىڭ ەلىمىزدىڭ سىرتقى ساياسي قىزمەتى حالىقارالىق جاعدايعا، جاڭا سىن-قاتەرلەر مەن قاۋىپتەرگە، سونداي-اق وزەكتى سىرتقى ساياسي شىندىقتارعا سۇيەنىپ ۇنەمى جەتىلدىرىلىپ وتىرادى. سىرتقى ىستەر مينيسترلىگىنىڭ نەگىزگى مىندەتتەرى مەملەكەتىمىز شەكارالارىنىڭ پەريمەترى بويىنشا قاۋىپسىزدىك پەن تۇراقتىلىقتى قامتاماسىز ەتۋ، قازاقستاننىڭ وڭىرلىك جانە جاھاندىق ساياسات سۋبەكتىسى رەتىندەگى ءرولىن ارتتىرۋ، ۇلتتىق مۇددەلەردى قورعاۋ جانە قامتاماسىز ەتۋ، سونداي-اق شەت ەلدەردەگى قازاقستاندىقتاردىڭ قۇقىقتارى مەن مۇددەلەرىن قورعاۋ بولىپ قالا بەرەدى»، - دەدى ول.
