بيىل نيۋ-يوركتىڭ ايگىلى ساحناسى Madison Square Garden-دە ديماشتىڭ كونسەرتى وتەدى
الماتى. KAZINFORM - الماتىدا ديماش قۇدايبەرگەننىڭ فان- كەزدەسۋى ءوتىپ جاتىر.
كەزدەسۋ بارىسىندا ول نيۋ-يوركتىڭ ايگىلى Madison Square Garden كەشەنىندە «Stranger» كونسەرتىن وتكىزەتىنىن جاريالادى. كونتسەرت وسى جىلدىڭ 5-قاراشاسىنا جوسپارلانعان.
بۇعان دەيىن ديماش قۇدايبەرگەننىڭ «Stranger» تۋرى بارسەلونا، بەرلين، لوندون، ريگا قالالارىندا وتەتىنى حابارلانعان بولاتىن.
سونداي-اق «بالقاديشا» ءانىن تاتاميدە ورىنداپ الەۋمەتتىك جەلىدە تانىمال بولعان يسا بەكبولات ديماشتىڭ ارنايى شاقىرتۋىمەن ونەرپازدىڭ بۇگىنگى فان- كەزدەسۋىنە كەلدى. 14 جاستاعى يسا العاش رەت ۇلكەن ساحنادا - Almaty Arena عا جينالعان 8 مىڭنان استام ادامنىڭ الدىندا ءان سالدى. ديماش قۇدايبەرگەن جاس ونەرپازعا ءوزىنىڭ اق-تىلەگىن ايتتى.
بۇگىن ديماش قىتاي تەلەارناسى كورسەتەتىن انشىلەر بايقاۋىنىڭ پروديۋسەرى بولاتىنىن حابارلادى.
سونىمەن قاتار ول الماتىدا وتكەن فان-كەزدەسۋىندە جانكۇيەرلەرىنىڭ سۇراقتارىنا جاۋاپ بەردى.
