بيىل ەلىمىزگە اكەلىنەتىن 15 فيلم قازاق تىلىنە دۋبلياجدالادى
استانا. KAZINFORM - بيىل ەلىمىزگە اكەلىنەتىن 15 فيلم قازاق تىلىنە دۋبلياجدالادى. بۇل جايىندا سەنات دەپۋتاتتارىنىڭ ساۋالىنا پرەمەر- مينيستر ولجاس بەكتەنوۆتىڭ جاۋابىندا ايتىلعان.
«ۇلتتىق كينونى قولداۋ مەملەكەتتىك ورتالىعى» كوممەرتسيالىق ەمەس اكسيونەرلىك قوعامى 2024 -جىلى ەلىمىزگە اكەلىنەتىن 15 فيلمدى قازاق تىلىندە دۋبلياجداۋدى جوسپارلاپ وتىر. Disney فيلمدەرىنىڭ رەسمي ديستريبيۋتورى «مەلومان» كومپانياسى 2024 -جىلى 4 كوركەم فيلمنىڭ قازاق تىلىندەگى نۇسقاسىن كەڭ پروكاتقا شىعارۋدى كوزدەۋدە. 2024 -جىلعى 14-ماۋسىمدا «ويجۇمباق 2» («گولوۆولومكا 2» ) انيماتسيالىق فيلمىنىڭ تۇساۋكەسەرى ءوتتى»، - دەپ اتاپ وتەدى ۇكىمەت باسشىسى.
پرەمەر- ءمينيستردىڭ دەرەگىنشە، بۇگىندە رەجيسسۋرا سالاسىندا كادرلار دايارلاۋدى 7 ۋنيۆەرسيتەت جۇزەگە اسىرادى. 2024-2025 وقۋ جىلىنا كادرلاردى دايارلاۋ ءۇشىن باكالاۆرياتقا 119 گرانت جانە ماگيستراتۋراعا 10 گرانت كولەمىندە مەملەكەتتىك تاپسىرىس (2023-2024 -جىلى باكالاۆرياتتا -100 گرانت، ماگيستراتۋرادا - 10 گرانت) ءبولىندى.
«جالپى ەلىمىزدە انيماتسيا سالاسىن دامىتۋ ءۇشىن كەشەندى شارالار قابىلدانۋدا جانە ۋاكىلەتتى ورگاننىڭ باقىلاۋىندا»، - دەدى ولجاس بەكتەنوۆ.
