بيىل ۇلتتىق كوميسسيا جۇمىسى جاندانا ءتۇستى-ەرلان قارين

  قازاقستان رەسپۋبليكاسىنىڭ مەملەكەتتىك كەڭەسشىسى ەرلان قارين 2023-جىلى ەلىمىزدە اتقارىلعان اۋقىمدى ىستەردى قورىتىندىلادى، دەپ حابارلايدى Kazinform.

«بيىل ەلىمىز يۋنەسكو جانە يسەسكو ىستەرى جونىندەگى ۇلتتىق كوميسسياسىنىڭ جۇمىسى جاندانا ءتۇستى. اتاپ ايتقاندا، يۋنەسكو- نىڭ الماتى قالاسىنداعى كلاستەرلىك كەڭسەسى قازاقستان، قىرعىزستان، تاجىكستان، تۇرىكمەنستان، اۋعانستان، پاكىستان جانە يران مەملەكەتتەرىن قامتيتىن كوپسالالى ايماقتىق كەڭسە (بيۋرو) رەتىندە قايتا قۇرىلدى. پاريج قالاسىندا ەلىمىزدىڭ يۋنەسكو جانىنداعى تۇراقتى وكىلدىگى اشىلدى. وسى بەدەلدى ۇيىمنىڭ كلۋب قوزعالىسى اياسىندا قازاقستان العاش رەت يۋنەسكو- نىڭ كلۋبتارى مەن قاۋىمداستىقتارىنىڭ پرەزيدەنتى بولىپ سايلاندى»، — دەپ جازدى ەرلان قارين Telegram الەۋمەتتىك پاراقشاسىندا.

مەملەكەتتىك كەڭەسشىنىڭ ايتۋىنشا، ەلىمىز يۋنەسكو- نىڭ دۇنيەجۇزىلىك مۇرا كوميتەتىنە مۇشە بولۋى بۇل - ءوتىپ بارا جاتقان جىلداعى ماڭىزدى جەتىستىكتەردىڭ ءبىرى. وندا قازاقستان وتىنىشتەردى يۋنەسكو-نىڭ تىزىمىنە قوسۋ تۋرالى شەشىم قابىلداۋعا اتسالىسادى.

"سونداي- اق، „تۇراننىڭ قىسقى سۋىق شولدەرى“ ترانسۇلتتىق نىسانىنىڭ قۇرامداس بولىگى رەتىندە „التىن ەمەل“ ۇلتتىق پاركى مەن بارساكەلمەس قورىعى اۋماقتارى - دۇنيەجۇزىلىك مۇرا تىزىمىنە قوسىلدى»، — دەيدى ول.

ودان بولەك، ەرلان قارين 2024-2025-جىلدارعا ارنالعان يۋنەسكو- نىڭ اتاۋلى كۇندەرى تىزبەسىنە جازۋشى ب. سوقپاقبايەۆتىڭ جانە كومپوزيتور، كۇيشى ن. تىلەنديەۆتىڭ 100 جىلدىعىن ەنگىزۋ تۋرالى ۇسىنىسبىڭ قولداۋ تاپقانىن ايتتى.