بيىل حالىقتى تەگىن ەمدەيتىن كلينيكالاردىڭ 64 پايىزى - جەكەمەنشىك

аурухана
فوتو: Pexels

استانا. KAZINFORM - الەۋمەتتىك مەديتسينالىق ساقتاندىرۋ قورى 2024 -جىلعا ارنالعان مەديتسينالىق قىزمەتتەردى ساتىپ الۋ ءراسىمىن اياقتادى. 2024 -جىلعا ارنالعان ساتىپ الۋ جوسپارىندا 2,8 تريلليون تەڭگەدەن استام قاراجات قاراستىرىلعان، ونىڭ 1,2 تريلليون تەڭگەسى - م ءا م س قاراجاتى.

2024 -جىلى دەنساۋلىق ساقتاۋ سۋبەكتىلەرىنەن قىزمەتتەردى ساتىپ الۋ ەرەجەسىنە ءبىرقاتار وزگەرىس ەنگىزىلدى.

بىرىنشىدەن، وڭىرلىك كوميسسيالاردىڭ قۇرامى كۇشەيتىلدى (كوميسسيا ءتوراعاسىنىڭ ورىنباسارى بولىپ باسشىنىڭ ورىنباسارىنان تومەن ەمەس دەڭگەيدەگى دەنساۋلىق ساقتاۋ باسقارماسىنىڭ وكىلى ايقىندالدى، سونداي-اق سانيتاريالىق-ەپيدەميولوگيالىق باقىلاۋ جانە مەديتسينالىق جانە فارماتسيەۆتيكالىق باقىلاۋ كوميتەتتەرىنىڭ وكىلدەرى ەنگىزىلدى) .

ەكىنشىدەن، سانى 1500 ادامنان كەم العاشقى مەديتسينالىق سانيتارلىق كومەك كورسەتەتىن (ارى قاراي م س ا ك) سۋبەكتىلەرىنىڭ قىزمەتتەرىن ساتىپ الۋعا قاتىسۋ ءۇشىن جانە ت م ك ك ك شەڭبەرىندە م س ا ك قىزمەتتەرىن كورسەتۋ تاجىريبەسى ءبىر جىلدان ارتىق 3000 ادامنان كەم حالقى بار مساك سۋبەكتىلەرىنە شەكتەۋ ەنگىزىلدى (بۇل جالپى پراكتيكا دارىگەرىنىڭ/وتباسىلىق دارىگەردىڭ كەمىندە ەكى ۋچاسكەسى)؛

ۇشىنشىدەن، ستاتسيوناردى الماستىراتىن كومەك كورسەتۋ ستاندارتتارىنا سايكەستىگى ءۇشىن كۇندىزگى ستاتسيونارلار امبۋلاتوريالىق جانە (نەمەسە) ستاتسيونارلىق جاعدايلاردا مەديتسينالىق كومەك كورسەتەتىن دەنساۋلىق ساقتاۋ ۇيىمدارىنىڭ، ونىڭ ىشىندە عىلىمي ۇيىمداردىڭ جانىنان ۇيىمداستىرىلادى.

سونداي-اق، ەرەجەگە كوميسسيا مۇشەلەرىنىڭ بۇرىن مالىمدەلگەن كومەك تۇرلەرىنە شارت جاساسپاعان دەنساۋلىق ساقتاۋ سۋبەكتىلەرىنە بارۋى قوسىلدى.

2023 -جىلدىڭ جەلتوقسانىندا مەديتسينالىق ۇيىمداردان ءوتىنىم قابىلداندى.

قاراجاتتى ءبولۋ ءراسىمىنىڭ قورىتىندىسى بويىنشا 2024 -جىلعا مەديتسينالىق ۇيىمدار اراسىندا شامامەن 2,4 تريلليون تەڭگە ورنالاستىرىلدى.

جاڭا مەديتسينالىق ۇيىمداردان 209 ءوتىنىم ءتۇستى، ونىڭ ىشىندە وڭىرلىك كوميسسيالار ساتىپ الۋ ءراسىمىن وتكىزۋ بارىسىندا 117 دەنساۋلىق ساقتاۋ سۋبەكتىسىنە باردى.

اتالعان وزگەرىستەر ازاماتتار ءۇشىن مەديتسينالىق كومەكتىڭ قولجەتىمدىلىگىن ارتتىرۋ جانە ونى ۇسىنۋ ساپاسىن جاقسارتۋ ءۇشىن قابىلدانىپ وتىر.

م ءا م س جۇيەسىن ەنگىزۋ ازاماتتارعا مەديتسينالىق كومەك كورسەتۋگە جەكەمەنشىك مەديتسينالىق ۇيىمداردى دا تارتۋعا مۇمكىندىك بەردى.

بيىل قور 1921 مەديتسينالىق ۇيىممەن كەلىسىمشارت جاساستى، ونىڭ %64 - جەكەمەنشىك بولسا، %36 - مەملەكەتتىك.

وسىلايشا، م ءا م س كلينيكالاردىڭ پاتسيەنت ءۇشىن باسەكەلەستىگىن ىنتالاندىرادى.

پاتسيەنتتە قانداي دا ءبىر مەديتسينالىق قىزمەتتى قايدان الاتىنىنا تاڭداۋ مۇمكىندىگى تۋعاندىقتان، مەديتسينالىق ۇيىمدار جاقسىراق جاعداي جاساپ، پاتسيەنتتەردى تارتۋ ءۇشىن قىزمەتتى جەتىلدىرۋى كەرەك.

قورمەن شارت جاساسقان مەديتسينالىق ۇيىمداردىڭ ءتىزىمىن fms.kz سايتىنداعى «مەديتسينالىق قىزمەتتەردى ساتىپ الۋ» بولىمىنەن تابۋعا بولادى.

سوڭعى جاڭالىقتار