بيىل شەتەلدىكتەر مەن قانداستارعا قانشا وقۋ گرانتى بولىنەدى

استانا. KAZINFORM - عىلىم جانە جوعارى ءبىلىم مينيسترلىگى Kazinform ساۋالىنا جولداعان جاۋاپتا بيىل شەتەلدىكتەر مەن قانداستارعا قانشا وقۋ گرانتى بولىنگەنىن ايتتى.

«بيىل شەتەلدىك ازاماتتارعا حالىقارالىق كەلىسىمدەر بويىنشا 360 گرانت بولىنەدى. شەتەلدىكتەردىڭ ستيپەنديالىق وقۋ باعدارلاماسى بويىنشا، ونىڭ ىشىندە ۇلتى قازاق شەتەلدىكتەرگە قوسىمشا 490 گرانت بولىنەدى»، - دەلىنگەن مينيسترلىك جاۋابىندا.

بىلتىر جالپى 171699 ادام جوعارى وقۋعا تۇسكەن. ونىڭ ىشىندە 68240 ادام گرانت بويىنشا ءبىلىم الىپ جاتىر.

«بيىل مەكتەپ بىتىرگەن تۇلەكتەردىڭ سانى - 188245 ادام. جوعارى ءبىلىم الۋ ماقساتىمەن 185371 ادام ۇ ب ت تاپسىرعان. ونىڭ 156297 ءسى بيىلعى جىلدىڭ مەكتەپ تۇلەكتەرى»، - دەپ جازىلعان رەسمي جاۋاپتا.