بيىل بيزنەستىڭ ءورت قاۋىپسىزدىگىن تەكسەرۋگە تىيىم سالاتىن موراتوري اياقتالادى
استاا. KAZINFORM - 2024 -جىلدىڭ Ⅱ جارتىسىندا ەلورداداعى بيزنەس وبەكتىلەرىنە ءورت قاۋىپسىزدىگىن قامتۋ ماقساتىندا تەكسەرۋگە موراتوريي اياقتالادى.
بۇل تۋرالى استانا قالاسى توتەنشە جاعدايلار دەپارتامەنتى مەملەكەتتىك ءورت باقىلاۋ باسقارماسىنىڭ باستىعى ماديار مىرزاگەلدييەۆ ءمالىم ەتتى.
«جىل باسىنان بەرى قالا اۋماعىندا 30 دان استام ءورت شىقتى. ءورتتىڭ شىعۋىنا كىنالى ادامدارعا قىلمىس كودەكسىنىڭ 410-بابى بويىنشا اكىمشىلىك جاۋاپكەرشىلىك بارىن ايتا كەتكىم كەلەدى. ەلىمىزدە 3 -جىل بويى شاعىن جانە ورتا بيزنەس وبەكتىلەرىن تەكسەرۋگە موراتوري بولدى. دەگەنمەن ورتكە قارسى پروفيلاكتيكالىق ءىس- شارالاردى تۇراقتى وتكىزەمىز»، - دەدى ماديار مىرزاگەلديەۆ قالالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
ودان بولەك، سپيكەر قالاداعى وبەكتى يەلەرىنە ۇسىنىم حاتتار جولدانىپ جاتقانىن ايتتى.
«2024-جىلدىڭ ەكىنشى جارتىسىنان باستاپ شاعىن جانە ورتا بيزنەس وبەكتىلەرىنە كەزەكتەن تىس ورتكە قارسى تەكسەرىس جۇرگىزۋ موراتوري بىتەدى. ولار تەكسەرىسكە جاتادى»، - دەيدى ول.
بۇعان دەيىن ت ج د وكىلى استانادا ءورت قاۋىپسىزدىگى تالاپتارىنىڭ ورىندالۋىن باقىلاۋ ماقساتىندا حوستەلدەردە كەزەكتەن تىس تەكسەرۋ ءجۇرىپ جاتقانىن ايتقان ەدى.
