بيىل الماتىدا ەكى ءىرى جولايىرىق قۇرىلىسى اياقتالادى

الماتى. KAZINFORM - بيىل الماتىدا ەكى ءىرى جولايرىق قۇرىلىسى مەن ەكى كوشەنى ۇزارتۋ جۇمىستارى اياقتالادى.

الماتىدا جول ينفراقۇرىلىمىن دامىتۋ اياسىندا قالا اكىمى ەربولات دوسايەۆتىڭ تاپسىرماسىمەن جولايىرىقتار سالۋ، ماگيسترالدىق جولدار مەن راديالدى كوشەلەردى ۇزارتۋ جۇمىستارى جۇرگىزىلۋدە.

الماتى اكىمدىگىنەن اتاپ وتكەندەي، 2024-جىلدىڭ سوڭىندا سەيفۋللين داڭعىلى مەن جانسۇگىروۆ كوشەسىنىڭ قيىلىسىندا جولايرىقتى اشۋ جوسپارلانىپ وتىر.

جوبا اياسىندا سەيفۋللين داڭعىلىندا كولىكتەردىڭ كەدەرگىسىز ءجۇرۋى ءۇشىن جالپى ۇزىندىعى 690 مەتر بولاتىن ەكى تۇنەل سالۋ كوزدەلگەن. جانسۇگىروۆ كوشەسىندە 4 جەر ءۇستى جاياۋ جۇرگىنشىلەر وتكەلى سالىنىپ، تروتۋارلار جانە كوگالداندىرۋ قاراستىرىلعان.

«وسى جىلدىڭ جىلدىڭ 3-توقسانىندا ساين كوشەسى مەن موڭكە ءبي كوشەسىنىڭ قيىلىسىنداعى جولايىرىق قولدانىسقا بەرىلەدى. بۇل «جوڭىشقا جاپىراعى» تيپتەس جولايىرىق، ءتۇرلى باعىتى ءارى كىرەبەرىسى بولادى. ۇزىندىعى 2,3 ك م بولاتىن تروتۋارلار مەن ۆەلوجولدار سالۋ قاراستىرىلعان»، - دەپ حابارلادى قالالىق اكىمدىكتەن.

بۇعان قوسا، 2024-جىلدىڭ سوڭىنا دەيىن ەكى كوشەنى ۇزارتۋ اياقتالادى. ءبىرىنشىسى - ساين كوشەسىنىڭ بويىمەن رىسقۇلوۆ داڭعىلىنان اقىن سارا كوشەسىنە دەيىنگى جالپى ۇزىندىعى 3,2 ك م جول. ب. مومىش ۇلى كوشەسىندەگى كولىك جۇكتەمەسى %30 عا تومەندەيدى دەپ بولجانىپ وتىر.

ەكىنشىسى - اباي داڭعىلىنان ب. مومىش ۇلى كوشەسىنەن قالا شەكاراسىنا دەيىن. جالپى ۇزىندىعى 5,3 ك م بولاتىن كوشەنى ۇزارتۋ مەگاپوليس ورتالىعىنان ۇلكەن الماتى اينالما اۆتوموبيل جولىندا (ءۇ ا ا ا ج) باتىس باعىتتا قوسىمشا ءدالىزدى قامتاماسىز ەتەدى.

«قازىر رىسقۇلوۆ داڭعىلىن ف. وڭعارسىنوۆا كوشەسىنەن قالا شەكاراسىنا دەيىن ۇزارتۋ قولعا الىنعان. ۋچاسكەنىڭ جالپى ۇزىندىعى - 2,3 ك م. كەلەسى جىلى تىلەنديەۆ كوشەسىن رىسقۇلوۆ داڭعىلىنان قالا شەكاراسىنا دەيىن ۇزارتۋ باستالادى. بۇگىندە جوبالاۋ-سمەتالىق قۇجاتتاما ازىرلەنىپ جاتىر. ونىڭ جالپى ۇزىندىعى 10,5 ك م. ءدال وسى كەزەڭدە سولتۇستىك اينالما كوشەسىن ۇزىندىعى 1,2 ك م بولاتىن قالا شەكاراسىنا دەيىنگى ۇزارتۋدى باستاۋ كوزدەلگەن»، - دەپ اتاپ ءوتتى اكىمدىكتەن.