بيىل الماتىدا جەمقورلىق تۋرالى حابارلاعان ادامدارعا 1,4 ميلليون تەڭگە تولەندى
سىبايلاس جەمقورلىق قۇقىق بۇزۋشىلىقتار تۋرالى حابارلاعان 8 ادام ماراپاتتالدى.
بۇل تۋرالى ق ر سىبايلاس جەمقورلىققا قارسى ءىس- قيمىل اگەنتتىگىنىڭ الماتى قالاسى بويىنشا دەپارتامەنتىنىڭ باسشىسى ارمان راقىموۆ ءمالىم ەتتى، دەپ حابارلايدى Kazinform.
«جىل باسىنان بەرى سىبايلاس جەمقورلىق قۇقىق بۇزۋشىلىقتار تۋرالى حابارلاعان 8 ادام جالپى سوماسى 1,4 ميلليون تەڭگەگە ماراپاتتالدى. 2022 -جىلى 13 ازاماتقا 2,6 ميلليون تەڭگە بەرىلگەن بولاتىن»،-دەدى ارمان راقىموۆ.
دەپارتامەنت باسشىسىنىڭ ايتۋىنشا، الماتىدا ەرىكتىلەر مەملەكەتتىك ساتىپ الۋ مونيتورينگى بارىسىندا 45 ميلليون تەڭگەدەن استام بيۋدجەت قاراجاتىن ۇنەمدەۋگە كومەكتەستى.
2023-جىلى بالاباقشالار مەن ويىن الاڭدارىنا، سالىنىپ جاتقان وبەكتىلەرگە، جول بەلگىلەرىن، اسفالتبەتون جابىندارىن جانە وزگە دە الەۋمەتتىك وبەكتىلەردى ورناتۋعا مونيتورينگ جۇرگىزىلدى.
«ەگەر بۇرىن حالىق ولاردان پارا الۋ فاكتىلەرى تۋرالى سيگنالداردى ءجيى قولداناتىن بولسا، ەندى مەملەكەتتىك قىزمەتشىلەردىڭ وزدەرى بىزگە ولارعا ۇسىنىلاتىن سىياقىلار تۋرالى حابارلايتىن بولدى. مىسالى، شەكارا اسكەرلەرىندەگى قىزمەتشى زاڭسىز قۇقىق بۇزۋشىلىق فاكتىسى تۋرالى حابارلادى، ول قايتا تەكسەرۋدەن كەيىن راستالدى»، - دەدى الماتى انتيكوررىنىڭ باسشىسى.
