بيىل العاش رەت وقۋ اقىسىنىڭ جارتىسىن مەملەكەت تولەپ بەرەتىن گرانت پايدا بولدى

 استانا. قازاقپارات - 2024 -جىلى العاش رەت سارالانعان گرانتتار ەنگىزىلدى. بۇل جايىندا ۇلتتىق تەستىلەۋ ورتالىعىنان حابارلاندى.

سارالانعان گرانتتار دەگەنىمىز - وقۋ اقىسىنىڭ %50 تولەنەتىن گرانتتار.

سارالانعان 300 گرانت ەكى باعىت بويىنشا بولىنگەن:

«پەداگوگيكالىق عىلىمدار» — 150 گرانت؛

«الەۋمەتتىك عىلىمدار، جۋرناليستيكا جانە اقپارات» - 150 گرانت.

بۇل گرانت كونكۋرستىق نەگىزدە بەرىلەدى. ياعني، 13-20-شىلدە ارالىعىندا (اقمولا، اقتوبە، اتىراۋ، باتىس قازاقستان، قوستاناي، سولتۇستىك قازاقستان وبلىستارىنىڭ تالاپكەرلەرى ءۇشىن 13-24-شىلدە ارالىعىندا) گرانت كونكۋرسىنا قاتىسۋ قاجەت.

ەشقانداي قوسىمشا قۇجات قاجەت ەمەس.

تولىق گرانت ۇتىپ الماعان كەزەكتە كەلەسى بولىپ تۇرعان تالاپكەرلەر سارالانعان گرانتتى يەلەنە الادى.