بيىل 61 قىتايلىق ازامات قازاقستاننان شىعارىلدى

بيىل كوشى-قون زاڭناماسىن بۇزعان 61 قىتايلىق قازاقستاننان شىعارىلعان. بۇل تۋرالى ىشكى ىستەر ءمينيسترىنىڭ ورىنباسارى يگور لەپەحا ايتتى.

Фото: Тұрар Қазанғапов
Фото: из открытых источников

ءمينيستردىڭ ورىنباسارى قازاقستان مەن قىتاي اراسىنداعى ۆيزاسىز رەجيمگە قاتىستى پىكىر ءبىلدىردى.

«ق ح ر ۆيزاسىز رەجيم جۇمىس ىستەي باستاسا، ەكى ەل اراسىندا ازاماتتار اعىنى ارتاتىنىن ءتۇسىنىپ وتىر. زاڭسىز كوشى-قوندى باقىلاۋ ءۇشىن قازاقستان مەن قىتاي ۇكىمەتتەرى قوس ەلدىڭ ازاماتتارىنا قاتىستى اقپارات الماسۋ تۋرالى كەلىسىمدى راتيفيكاتسيالاماق. ءبىز كەلىسىمدى راتيفيكاتسيالاپ، پاراللەل جۇمىس ىستەي باستايمىز. وسى زاڭعا قول قويىلسا، ۆيزاسىز رەجيم ارەكەت ەتە باستايدى»، - دەدى يگور لەپەحا سەنات كۋلۋارىندا.

سونداي-اق، ول كوشى-قون زاڭناماسىن بۇزۋ دەرەگىنە توقتالدى.

«كەلىسىمگە قول قويىلسا، قىتاي ازاماتتارى ەلىمىزدە 30 كۇنگە دەيىن زاڭدى تۇردە جۇرە الادى. 30 كۇن وتكەن سوڭ شەكارادان كىرىپ-شىعۋ ارقىلى جارتى جىلدا 90 كۇنگە دەيىن بولا الادى. قازاقستاندا زاڭ بۇزعانداردىڭ ءىسى سوتقا جولدانادى. سوت شەشىم قابىلداسا، سول بويىنشا جۇمىس ىستەيمىز. بيىل 61 قىتاي ازاماتى زاڭ بۇزعانى ءۇشىن ەلدەن شىعارىلدى. ولاردىڭ اراسىندا كوشى-قون زاڭناماسىن بۇزعاندار، ترانزيت ارقىلى وتكەندە، مەرزىمدى ساقتاماعاندار بار»، - دەدى ءمينيستردىڭ ورىنباسارى.

ەسكە سالايىق، بۇعان دەيىن قازاقستان مەن قىتاي قوس ازاماتتىقپەن بىرىگىپ كۇرەسپەك ەكەنى حابارلانعان ەدى.

سوڭعى جاڭالىقتار