بىتىمگەرلەردى قازاقستانعا قايتارۋ شەشىمىن كىم قابىلدايدى
استانا. KAZINFORM – ق ر قورعانىس ءمينيسترىنىڭ ءبىرىنشى ورىنباسارى سۇلتان قامالەتدينوۆ بىتىمگەرلەردى قازاقستانعا قايتارۋ تارتىبىنە قاتىستى تۇسىنىك بەردى.
بۇگىن سەناتتا تىلشىلەر گولان جوتالارىنداعى قازاقستاندىق بىتىمگەرلەردى ەلگە قايتارۋ شەشىمىن كىم قابىلدايتىنىن سۇرادى. ءوز كەزەگىندە سۇلتان قامالەتدينوۆ بۇل سۇراقتى ب ۇ ۇ باس حاتشىسىنا جولداۋ كەرەك ەكەنىن ايتتى.
- اتاپ ايتقاندا، بۇل كونتينگەنت ب ۇ ۇ حاتشىلىعىنا باعىنادى. ولاردى ەۆاكۋاتسيالاۋ نەمەسە باسقا جەرگە كوشىرۋ ماسەلەلەرىن ب ۇ ۇ حاتشىلىعى مەن وسىعان تىكەلەي جاۋاپتى قولباسشى شەشەدى، - دەدى ق ر قورعانىس ءمينيسترىنىڭ ءبىرىنشى ورىنباسارى.
ەسكە سالساق، 2024-جىلى ناۋرىز ايىندا قازاقستاندىق بىتىمگەرلەردى گولان بيىگىنە شىعارىپ سالۋ ءراسىمى ءوتتى.
بۇعان دەيىن حابارلانعانداي، ب ۇ ۇ قازاقستانعا بىتىمگەرلىك ميسسياعا جىلىنا 5 ميلليون دوللار تولەم جاسايدى.
بۇدان بولەك، گولان جوتالارىنان ورالعان قازاقستاندىق بىتىمگەرلەر قىزمەتىن قايدا جالعاستىراتىنى ءمالىم بولدى.
