بىرنەشە قالادا «1941-جىلدىڭ جازى» فيلمى تەگىن كورسەتىلەدى
استانا. KAZINFORM - جەڭىس كۇنىنە ارنالعان اسكەري-پاتريوتتىق كينو اپتالىعى اياسىندا الماتى، قاراعاندى، شىمكەنت جانە تالعار كينوتەاترلارىندا «1941-جىلدىڭ جازى» فيلمىنىڭ تەگىن كورسەتىلىمى وتەدى، دەپ حابارلايدى ق ر مادەنيەت جانە اقپارات مينيسترلىگىنىڭ باسپا ءسوز قىزمەتى.
رەجيسسەر بەكبولات شەكەروۆتىڭ فيلمى Ⅱ دۇنيەجۇزىلىك سوعىس جىلدارىنداعى پارتيزان وتريادىمەن شايقاس جايىندا. كينوكارتينا Ⅱ دۇنيەجۇزىلىك سوعىس جىلدارىندا ەرلىگىمەن كوزگە تۇسكەن ديۆەرسيالىق توپتىڭ باسشىسى كورنەكتى قازاق قايراتكەرى، لەيتەنانت ءادي ءشارىپوۆتىڭ ءومىربايانى تۋرالى باياندايدى.
فيلم Ⅱ دۇنيەجۇزىلىك سوعىس كەزىن سۋرەتتەيدى. ءۇشىنشى رەيح ك س ر و- عا ەندى شابۋىل جاساعان كەزى. بەلارۋسسيادا جويقىن شايقاستار ءجۇرىپ جاتىر، ال كەڭەس ارمياسىنىڭ كۇشتەرى ازىرگە تەك شەگىنۋگە ءماجبۇر. قازاقستاننان كەلگەن جاس لەيتەنانت ءادي ءشارىپوۆ ءدال وسى وقيعاعانىڭ كۋاگەرى بولادى.
ونىڭ جاساعى اسكەردىڭ الدىڭعى شەبىندە شايقاسىپ، اقىر سوڭىندا مي باتپاقتا جاۋدىڭ قورشاۋىندا قالادى. جاۋ تىلىندا قالعان لەيتەنانت پارتيزان جاساعىن قۇرىپ، ناتسيستىك باسقىنشىلارعا لايىقتى تويتارىس بەرەدى.
اسكەري-پاتريوتتىق كينو اپتالىعى 2024-جىلدىڭ 9-مامىرىندا باستالادى.
