بۇيراتاۋدىڭ كەربەز ارقارلارى فوتوتۇزاققا ءتۇسىپ قالدى

ورمان ىشىمەن ەركىن جۇرگەن جانۋارلار تابيعي مەكەنىندە انىق تىركەلدى. كادرلاردىڭ بىرىندە ارقاردىڭ اۋزىندا ءشوپ شايناپ تۇرعان ءساتى دە كورىنەدى. بۇل -تابيعاتتىڭ ءوز ىرعاعىمەن جالعاسىپ جاتقان تىرشىلىگىن ءدال بەينەلەيتىن ەرەكشە كورىنىس.

ارقار - قازاق دالاسىنىڭ ايبىندى ءارى كوركەم جانۋارلارىنىڭ ءبىرى. ولار قىراعى مىنەزىمەن، ساق قيمىلىمەن جانە تابيعي سۇلۋلىعىمەن ەرەكشەلەنەدى. سوندىقتان مۇنداي ساتتەردىڭ فوتوتۇزاققا ءتۇسۋى ءاردايىم قىزىعۋشىلىق تۋدىرادى.

وسىنداي كادرلار جابايى جانۋارلاردىڭ تىرشىلىگىن باقىلاۋعا، ولاردىڭ مەكەن ەتۋ ورتاسىن زەرتتەۋگە جانە تابيعي اۋماقتاردىڭ تىنىسىن تەرەڭىرەك تانۋعا مۇمكىندىك بەرەدى.

بۇيراتاۋدىڭ تىنىش ورمانىندا دا تىرشىلىك قىز- قىز قايناپ جاتىر. ال فوتوتۇزاقتار سول كوزگە كوپ تۇسە بەرمەيتىن الەمنىڭ ءبىر ءساتىن بىزگە جاقىنداتا تۇسەدى.

ايتا كەتەيىك، مارقاكول مەملەكەتتىك تابيعي قورىعىندا فوتوتۇزاق مارالداردى تابيعي مەكەنىندە تىركەدى.