بىرەۋ سىزدەن پارا سۇراسا نە ىستەۋ كەرەك؟ زاڭگەر جاۋابى

استانا. قازاقپارات - زاڭگەر عابيت ومىربەك baribar.kz تىلشىسىنە بەرگەن سۇحباتىندا ەگەر بىرەۋ قىزمەتىن اسىرا پايدالانىپ، پارا سۇراعان جاعدايدا نە ىستەۋ كەرەگىن ايتىپ بەردى.

ماماننىڭ ايتۋىنشا، سىزدەن پارا نەمەسە قىزمەتى ءۇشىن سىيلىق تالاپ ەتسە، دەرەۋ ق ر سىبايلاس جەمقورلىققا قارسى ءىس-قيمىل اگەنتتىگىنىڭ 1424 call-ورتالىعىنا حابارلاسۋ كەرەك.

ازاماتتاردان كەلىپ تۇسەتىن ارىز-شاعىمدار مەن ۇسىنىستاردى دەپارتامەنت قىزمەتكەرلەرى تولىق قاراستىرىپ، ءار ازاماتتىڭ وتىنىشىنە قۇلاق اسادى. سىبايلاس جەمقورلىققا تاپ بولعان نەمەسە ماجبۇرلەگەن جاعدايدا call-ورتالىققا حابارلاسىپ، بولعان وقيعانى بايانداپ، شاعىمدانۋعا مۇمكىندىگىڭىز بار.

شاعىم ايتىپ، حابارلاسقانداردىڭ جەكە باس مالىمەتىن قۇپيا ساقتاۋعا كەپىلدىك بەرىلەدى. ءتىپتى پارا سۇراعانى تۋرالى دەرەۋ حابارلاپ، ارىز جازعان ادامدارعا ۇسىنعان اقشانىڭ %30 كولەمىندە سىياقى بەرۋ دە قاراستىرىلعان.

سونىمەن قاتار كاسىپكەرلەردىڭ قۇقىعىن بۇزۋ، سونىڭ ىشىندە زاڭسىز تەكسەرۋلەر مەن مەملەكەتتىك مەكەمەلەردىڭ قىزمەت كورسەتكەنى ءۇشىن زاڭسىز اقشا تالاپ ەتۋ فاكتىلەرى تۋرالى دا حابارلاۋعا بولاتىنىن ەسكە سالامىز.