بىردە-ءبىر مۇقتاج قازاقستاندىق قولداۋسىز قالمايدى - ەڭبەك ءمينيسترى

مينيستر باستى پرينتسيپ بويىنشا مەملەكەتتىك قولداۋ ەڭ الدىمەن، ءوز ەركىمەن قاجەتتىلىگىن قامتاماسىز ەتە المايتىن ادامدارعا كورسەتىلۋى كەرەگىن ايتتى.

- بىردە-ءبىر مۇقتاج قازاقستاندىق قولداۋسىز قالمايدى. بۇل - الەۋمەتتىك قولداۋدىڭ باستى قاعيداتى. قازاقستان - الەۋمەتتىك مەملەكەت بولىپ سانالادى. ءبىز جاردەماقىنى فورمالدى تاعايىنداۋدان وتباسىنىڭ ناقتى مۇقتاجدىق دەڭگەيىن باعالاۋعا كوشىپ جاتىرمىز. مۇندا وتباسىنىڭ مۇلىكتىك جانە الەۋمەتتىك جاعدايى باعالانادى، - دەدى ا. ەرتايەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

ونىڭ ايتۋىنشا، 30-قىركۇيەكتە بەكىتىلگەن الەۋمەتتىك ءال-اۋقات دەڭگەيىن ايقىنداۋدىڭ جاڭا ادىستەمەسى بەكىتىلدى. ونىڭ الدىنداعى 2023-جىلعى ادىستەمە 1-قاڭتاردا كۇشىن جويادى.

ەسكە سالا كەتسەك، قازاقستاندا 2027-جىلعى 1-قاڭتاردان باستاپ اتاۋلى الەۋمەتتىك قولداۋدىڭ جاڭا جۇيەسى تولىق كولەمدە ىسكە قوسىلادى.

بۇعان دەيىن قۇرىلتاي دەپۋتاتى ءلاززات قوجاحمەت جۇمىس ىستەيتىن ايەلدەردىڭ دەكرەتتىك تولەمى ساقتالاتىنىن ايتقان ەدى.