بۇگىننەن باستاپ قۇجاتتاردىڭ باعاسى قالاي وزگەردى

بۇگىننەن باستاپ ەلىمىزدە ايلىق ەسەپتىك كورسەتكىش ارتىپ، 3692 تەڭگە بولدى. وسىعان بايلانىستى ازاماتتار الاتىن جەكە كۋالىك، تۋۋ تۋرالى كۋالىك سىندى قۇجاتتاردىڭ قۇنى كوتەرىلىپ وتىر، دەپ حابارلايدى Kazinform.

اتاپ ايتار بولساق، بىلتىر ا ە ك مولشەرى 3450 تەڭگە بولعان ەدى. بيىل ول 242 تەڭگەگە ارتىپ وتىر.

وسىعان بايلانىستى قۇجاتتاردىڭ باعاسى قىمباتتادى.

ماسەلەن، جەكە كۋالىك قۇنى - 0,2 ا ە ك.

بىلتىر ول 690 تەڭگە بولسا، بيىل 738 تەڭگەگە جەتتى.

جۇرگىزۋشى كۋالىگىن الۋ ءۇشىن (1,25 ا ە ك) 4615 تەڭگە شىعىندايسىز.

ال ءتولقۇجاتتىڭ 36 جانە 48 بەتتىك ەكى ءتۇرى بار.

ءبىرىنشىسىنىڭ قۇنى - 8 ا ە ك نەمەسە 29536 تەڭگە، ەكىنشىسى - 12 ا ە ك نەمەسە 44304 تەڭگە.

24 بەتتىك بالالار ءتولقۇجاتى - 4 ا ە ك نەمەسە 14768 تەڭگە.

نەكە كۋالىگىنىڭ باعاسى - 1 ا ە ك، ياعني 3692 تەڭگەنى قۇرايدى. ءتۇرلى سەبەپتەرمەن قايتادان الۋ كەرەك بولسا، وندا 1846 تەڭگە جۇمسايسىز.

بالالاردىڭ تۋۋ تۋرالى كۋالىگى تەگىن بەرىلەدى.

الايدا جوعالتىپ الىپ، قايتادان جاساتساڭىز 1846 تەڭگە تولەۋىڭىزگە تۋرا كەلەدى.

ال اجىراسۋعا ءوتىنىش بەرۋ 2 ا ە ك- ءتى نەمەسە 7384 تەڭگە بولدى.