بۇگىننەن باستاپ قازاقستاندا اۆتوموبيل گازىنىڭ باعاسى ءوستى

استانا. KAZINFORM - بۇگىننەن باستاپ قازاقستاندا جانار-جاعارماي باعاسى ءوستى.

Астана
فوتو: استانا اكىمدىگىنىڭ رەسمي سايتى

بۇگىن ق ر ەنەرگەتيكا ءمينيسترى الماسادام ساتقاليەۆتىڭ بۇيرىعىمەن قوسىلعان قۇن سالىعىن قوسا ەسەپتەگەندەگى اۆتوموبيل گازىنىڭ ەلىمىزدىڭ بارلىق وڭىرىندەگى باعاسى بەكىتىلدى.

• استانا - ليترى 102 تەڭگە (بۇرىن 82 تەڭگە بولعان)؛
• الماتى - 102 تەڭگە (بۇرىن 89 تەڭگە بولعان)؛
• شىمكەنت - 90 تەڭگە (بۇرىن 70 تەڭگە بولعان)؛
• اقتوبە جانە اتىراۋ وبلىستارى - 77 تەڭگە (بۇرىن 59 تەڭگە بولعان) ، شالعاي اۋدانداردا - 82 تەڭگە؛
• اقمولا وبلىسى - 102 تەڭگە (بۇرىن 84 تەڭگە بولعان)، شالعاي اۋدانداردا - 107 تەڭگە؛
• الماتى وبلىسى - 102 تەڭگە (بۇرىن 89 تەڭگە بولعان)، شالعاي اۋدانداردا - 107 تەڭگە؛
• جامبىل وبلىسى - 90 تەڭگە (بۇرىن 78 تەڭگە بولعان)، شالعاي اۋدانداردا - 95 تەڭگە؛
• باتىس قازاقستان وبلىسى - 77 تەڭگە (بۇرىن 70 تەڭگە بولعان)، شالعاي اۋدانداردا - 82 تەڭگە؛
• قىزىلوردا وبلىسى - 90 تەڭگە (بۇرىن 70 تەڭگە بولعان)، شالعاي اۋدانداردا - 95 تەڭگە؛
• ماڭعىستاۋ وبلىسى - 65 تەڭگە (بۇرىن 59 تەڭگە بولعان)، شالعاي اۋدانداردا - 70 تەڭگە؛
• پاۆلودار وبلىسى - 102 تەڭگە (بۇرىن 81 تەڭگە بولعان)، شالعاي اۋدانداردا - 107 تەڭگە؛
• سولتۇستىك قازاقستان وبلىسى - 102 تەڭگە (بۇرىن 89 تەڭگە بولعان)، شالعاي اۋدانداردا - 107 تەڭگە؛
• تۇركىستان وبلىسى - 90 تەڭگە (بۇرىن 70 تەڭگە بولعان)، شالعاي اۋدانداردا - 95 تەڭگە؛
• ش ق و، قوستاناي، قاراعاندى، جەتىسۋ، ۇلىتاۋ جانە اباي وبلىستارىندا - 102 تەڭگە (بۇرىن 84 تەڭگە بولعان)، شالعاي اۋدانداردا - 107 تەڭگە.

مينيستر ساتقاليەۆ بۇعان دەيىن اقپان ايىنان باستاپ بەنزين، ديزەل، سۇيىتىلعان گاز باعاسى وسەتىنىن ايتقان.

ال سۇيىتىلعان گازدىڭ باعاسى 98 تەڭگەدەن ارى قىمباتتامايدى دەگەن مالىمەت كەلتىرگەن. بىلتىر باعا دياپازونى 54-55 تەڭگە بولسا، بيىل 59-90 تەڭگە اراسىندا بولادى. ول وڭىرلەرگە بايلانىستى قالىپتاسادى. ەڭ جوعارعى دياپازون وڭىرلەردە 64 تەڭگەدەن 98 تەڭگەگە دەيىن بولادى.

سونداي-اق ەلىمىزدەن بەنزين جانە ديزەل وتىنىن شىعارۋعا تىيىم سالىندى.

سوڭعى جاڭالىقتار