بۇگىن تۇندە قۇتقارۋشىلار جولدا تۇرىپ قالعان ەكى كولىكتى قۇتقارىپ، جوعالعان مالشىنى تاپتى
استانا. KAZINFORM - ق ر توتەنشە جاعدايلار مينيسترلىگى بۇگىن تۇندە بولعان بىرنەشە وقيعا تۋرالى حابارلادى.
مينيسترلىكتىڭ باسپا ءسوز قىزمەتىنىڭ حابارلاۋىنشا، قوستاناي وبلىسى ارقالىق قالاسى ماڭىندا جەرگىلىكتى ماڭىزى بار «ارقالىق- اشۋتاستى» اۆتوجولىندا بوراندا ادامدارى بار 2 جەڭىل اۆتوكولىك جولدا تۇرىپ قالعان.
ت ج م قۇتقارۋشىلارى «Toyota Hilux» اۆتوكولىگىنىڭ كومەگىمەن كولىكتەردى جولدىڭ تازارتىلعان ۋچاسكەسىنە سۇيرەپ شىعاردى.
ال قاراعاندى وبلىسىندا 112 پۋلتىنە اقتوعاي اۋدانىنىڭ «مەنەش» قىستاعىنان ماشينامەن مال ىزدەۋگە شىققان 1970 ەر ادام جوعالىپ كەتكەنى تۋرالى حابارلاما كەلىپ ءتۇستى.
قۇتقارۋشىلار جوعالعان ادامدى تاپتى جانە ول امان.
سونداي-اق تۇندە الماتىنىڭ جانگەلدين كوشەسى بويىنداعى گۇل دۇكەندەرىنىڭ بىرىندە ءورت بولدى. ت ج م كۇشتەرى 150 شارشى مەتر الاڭدا ءورتتى جەدەل تۇردە ءسوندىردى. زارداپ شەككەندەر جوق، سەبەبى انىقتالۋدا.
ەستەرىڭىزگە سالا كەتەيىك، وسىعان دەيىن «قازگيدرومەت» قازاقستاننىڭ ءبىرقاتار وڭىرىندە قارلى بوران سوعىپ، كوكتايعاق بولاتىنىن ەسكەرتكەن ەدى.
