بۇگىن - قازاقتىڭ تۇڭعىش ديكتورى مينا سەيىتوۆانىڭ تۋعان كۇنى

استانا. قازاقپارات - 25-تامىز كۇنى قازاقتىڭ تۇڭعىش ديكتورى مينا سەيىتوۆا دۇنيەگە كەلگەن.

ۇلتتىڭ ءۇنجارعىسى - قازاق راديوسىندا جىلدار بويى حالىققا قىزمەت ەتىپ، وعان تاعدىرىن بايلاعان جاندار قانشاما. سولاردىڭ ءبىرى - قازاق راديوسىنىڭ ارداگەرى، قازاقتىڭ تۇڭعىش ديكتورى مينا سەيىتوۆا.

مينا سەيىتوۆا 1919 -جىلى 25-تامىزدا دۇنيەگە كەلگەن. ول قازاق راديوسىنىڭ تابالدىرىعىن العاش اتتاعان كەزدە نەبارى 15 جاستا بولدى. سودان باستاپ، 44 جىل ميكروفون الدىندا قىزمەت ەتىپ، تالاي ديكتورعا، سونىمەن قاتار، بيبىگۇل تولەگەنوۆا، ەرمەك سەركەبايەۆ، مۇقاعالي ماقاتايەۆ سىندى ۇلتتىق مادەنيەتتىڭ مارقاسقالارىنا ۇستاز بولعان.

«2-دۇنيەجۇزىلىك سوعىس كەزىندە اقپارات بيۋروسىنىڭ بارلىق اقپاراتى ماسكەۋدە ليەۆيتاننىڭ ۇنىمەن تاراپ جاتسا، قازاق دالاسىنا ول مينا سەيىتوۆانىڭ داۋىسىمەن جەتكەن»، - دەپ جازدى مادەنيەت جانە اقپارات مينيسترلىگىنەن.