بۇگىن قازاقستاننىڭ بارلىق اۋماعىندا جەل كۇشەيىپ، بۇرقاسىن سوعادى، تۇمان تۇسەدى

استانا. KAZINFORM - «قازگيدرومەت» ر م ك 22 - قاڭتاردا ەل اۋماعىندا بولاتىن قاۋىپتى مەتەورولوگيالىق قۇبىلىستارعا بولجام جاسادى.

трасса, закрыта дорога, метель, автомобиль, буран, жол жабық, боран, көлік
Фото: Агибай Аяпбергенов / Kazinform

دەرەككە قاراعاندا، سكانديناۆيا اۋداندارىنان شىققان سيكلون جانە ونىمەن بايلانىستى اتموسفەرالىق فرونتالدى بولىمدەر قر اۋماعىندا قاردىڭ تۇسۋىنە، وڭتۇستىك، وڭتۇستىك - شىعىس جانە شىعىس ايماقتاردا جاۋىن- شاشىننىڭ (جاڭبىر مەن قار تۇرىندە) جاۋۋىنا ءوز اسەرىن تيگىزەدى.

رەسپۋبليكا بويىنشا جەلدىڭ كۇشەيۋى، بۇرقاسىن، تۇمان مەن كوكتايعاق كۇتىلۋدە.

- اقمولا، سولتۇستىك قازاقستان وبلىستارىنىڭ سولتۇستىگىندە، شىعىسىندا، قاراعاندى وبلىسىنىڭ باتىسىندا، شىعىسىندا، شىعىس قازاقستان وبلىسىنىڭ سولتۇستىگىندە، تۇندە پاۆلودار وبلىسىنىڭ باتىسىندا، سولتۇستىگىندە، تۇندە ۇلىتاۋ وبلىسىنىڭ شىعىسىندا قالىڭ قار جاۋادى.

اقمولا وبلىسىنىڭ سولتۇستىگىندە، شىعىسىندا، كۇندىز الماتى وبلىسىنىڭ وڭتۇستىك جارتىسىندا، جەتىسۋ وبلىسىنىڭ الاكول كولدەرى اۋدانىندا، تۇركىستان وبلىسىنىڭ تاۋ اسۋلارىندا، جامبىل وبلىسىنىڭ وڭتۇستىك - باتىسىندا، تاۋلى اۋداندارىندا، پاۆلودار وبلىسىنىڭ باتىسىندا وتۇستىگىندە، قاراعاندى وبلىسىنىڭ سولتۇستىگىندە، شىعىسىندا، وڭتۇستىگىندە، شىعىس قازاقستان وبلىسىنىڭ باتىسىندا، سولتۇستىگىندە، شىعىسىندا، اباي وبلىسىنىڭ باتىسىندا، سولتۇستىگىندە، ورتالىعىندا، تۇندە ۇلىتاۋ وبلىسىنىڭ شىعىسىندا، وڭتۇستىگىندە جەلدىڭ كۇشەيۋى كۇتىلەدى، كۇشى 30 م/س جانە ودان دا جوعارى، - دەپ جازدى سينوپتيكتەر.

سوڭعى جاڭالىقتار