توعىز وبلىستا ەسكەرتۋ جاريالاندى: 19-ناۋرىزعا ارنالعان اۋا رايى بولجامى

استانا. KAZINFORM - «قازگيدرومەت» ر م ك-سى 19-شى ناۋرىزدىڭ كۇن رايى بولجامىن جاريالادى.

سينوپتيكتەردىڭ مالىمەتىنشە، رەسپۋبليكانىڭ توعىز وبلىسىندا جاۋىن-شاشىن جاۋىپ، كوكتايعاق بولادى جانە تۇمان ءتۇسىپ، ەكپىنى كۇشتى جەل سوعادى.

قاراعاندى وبلىسىنىڭ وڭتۇستىگىندە تۇمان. وبلىستىڭ سولتۇستىگىندە، شىعىسىندا وڭتۇستىك، وڭتۇستىك- باتىستان جەل سوعادى، ەكپىنى سەكۋندىنا 15-20 مەترگە جەتەدى.

اتىراۋ وبلىسىنىڭ باتىسىندا، وڭتۇستىگىندە، شىعىسىندا تۇمان تۇسەدى.

اقتوبە وبلىسىنىڭ باتىسىندا، ورتالىعىندا كوكتايعاق بولادى. وبلىستىڭ باتىسىندا، سولتۇستىگىندە تۇمان تۇسەدى.

اقمولا وبلىسىنىڭ باتىسىندا، وڭتۇستىگىندە، شىعىسىندا جاۋىن-شاشىن (جاڭبىر، قار)، كوكتايعاق بولادى. تۇندە جانە تاڭەرتەڭ وبلىستىڭ باتىسىندا تۇمان تۇسەدى. وڭتۇستىك- باتىستان سوعاتىن جەل سولتۇستىك- باتىسقا اۋىسادى، كۇندىز وبلىستىڭ باتىسىندا، سولتۇستىگىندە، شىعىسىندا ەكپىنى سەكۋندىنا 15-20 مەترگە جەتەدى.

استانادا وڭتۇستىك-باتىستان سوعاتىن جەل سولتۇستىك- باتىسقا اۋىسادى، كۇندىز ەكپىنى سەكۋندىنا 15-18 مەترگە جەتەدى.

قوستاناي وبلىسىنىڭ باتىسىندا، وڭتۇستىگىندە، شىعىسىندا تۇمان، كوكتايعاق. وبلىستىڭ باتىسىندا، شىعىسىندا جاياۋ بۇرقاسىن. سولتۇستىك- باتىستان جەل سوعادى، وبلىستىڭ شىعىسىندا، وڭتۇستىگىندە ەكپىنى 15-20 م/س بولادى.

سولتۇستىك قازاقستان وبلىسىنىڭ وڭتۇستىگىندە ازداعان جاۋىن-شاشىن (جاڭبىر، قار)، كوكتايعاق بولادى. تۇندە جانە تاڭەرتەڭ وبلىستىڭ وڭتۇستىگىندە، باتىسىندا تۇمان تۇسەدى. سولتۇستىك- باتىستان جەل سوعادى، كۇندىز وبلىستىڭ سولتۇستىگىندە، باتىسىندا، وڭتۇستىگىندە ەكپىنى - 15-20 م/س.

پاۆلودار وبلىسىنىڭ باتىسىندا، وڭتۇستىگىندە جاۋىن- شاشىن (جاڭبىر، قار)، كوكتايعاق بولادى. وبلىستىڭ سولتۇستىگىندە، شىعىسىندا تۇمان تۇسەدى. وڭتۇستىك- باتىستان جەل سوعادى، كۇندىز وبلىستىڭ وڭتۇستىگىندە ەكپىنى سەكۋندىنا 15-20 مەترگە جەتەدى.

باتىس قازاقستان وبلىسىنىڭ باتىسىندا، شىعىسىندا تۇمان، كوكتايعاق بولادى.