بۇگىن ۋنيۆەرسيتەتتە تەگىن وقىعىسى كەلەتىن ساربازدارعا گرانت ۇلەستىرىلەدى

استانا. KAZINFORM - بۇگىن، 16-مامىر 16:00-دە Qazaq Army YouTube ارناسىندا مەرزىمدى اسكەري قىزمەت ساربازدارى اراسىندا ءبىلىم جەڭىلدىكتەرىن ءبولۋ online-فورماتتا وتەدى. 

ايتا كەتەيىك، وتان قورعاۋشى كۇنى قارساڭىندا پرەزيدەنت مەرزىمدى اسكەري قىزمەت وتكەرگەن ازاماتتارعا مەملەكەتتىك گرانت ءبولۋ تۋرالى زاڭعا قول قويعان بولاتىن.

ياعني، الداعى كۇزدەن باستاپ ازاماتتار جوعارى وقۋ ورنىنا ءتۇسۋ ءۇشىن %100 جەڭىلدىك الىپ قانا قويماي، ستيپەنديامەن قوسا تولىققاندى گرانتقا يە بولا الادى.

ىرىكتەۋدى وتكىزۋدىڭ ىڭعايلىلىعى مەن اشىقتىعى ءۇشىن «سروچنيكي 2.0» سيفرلىق پلاتفورماسى ەنگىزىلدى.

ساربازدار الەۋمەتتىك جەلىلەردە جاريالانعان تىزىمدەرگە سايكەس وسى پلاتفورمادا جوعارى وقۋ ورىندارىنا ءتۇسۋ سەرتيفيكاتىن الا الادى.

اۆتور
جانات قاپالبايەۆا