بۇگىن - مالشىلار كۇنى
استانا. KAZINFORM - ەلىمىزدە 2021 -جىلدان باستاپ ماۋسىم ايىنىڭ ەكىنشى جەكسەنبىسىندە مالشىلار كۇنى اتالىپ وتىلەدى.
مالشىلار مەيرامى - شارۋا ادامدارىنىڭ مەرەيىن كوتەرۋدى كوزدەيتىن، ولاردىڭ بىرلىگىن نىعايتىپ، قازاقستانداعى مال شارۋاشىلىعىنىڭ دامىتۋعا باعىتتالعان. بۇل رەتتە، ەلىمىزدىڭ مال شارۋاشىلىعىندا قانداي وڭ وزگەرىستەر بار؟
ق ر اۋىل شارۋاشىلىعى ۇسىنعان مالىمەتكە سۇيەنسەك، بيىل 4 ايدا مال شارۋاشىلىعىنىڭ جالپى ىشكى ءونىمى 792,3 ميلليارد تەڭگە بولعان. بۇل - وتكەن جىلدىڭ سايكەس كەزەڭىمەن سالىستىرعاندا كوپ سوما. ارينە، كورسەتكىشكە مال باسى سانىنىڭ ءوسۋى دە اسەر ەتەتىنى انىق.
اتاپ ايتساق، بيىل ءتورت ايدىڭ وزىندە ءىرى قارا %4,3 عا، قوي 10% عا، جىلقى %5,5 عا، تۇيە %9 عا، قۇس %0,8 عا وسكەن.
قىزىقتى دەرەكتەرگە سۇيەنسەك، ەلىمىزدە بيىل ءتورت ايدا ءبىر ساۋىن سيىر ورتاشا ەسەپپەن 641 كەلى ءسۇت بەرگەن ەكەن. بۇل كورسەتكىش اۋىل شارۋاشىلىعى قۇرىلىمدارىندا 676 كەلىگە تەڭ بولسا، جەكە اۋلادا 623 كەلى بولىپ وتىر.
ال ءتورت ايدا ءار تاۋىق ورتاشا ەسەپپەن 77 جۇمىرتقا بەرگەن كورىنەدى. اۋىل شارۋاشىلىعى قۇرىلىمدارىنداعى كورسەتكىش 88 بولسا، جەكە اۋلادا تۇرعىندار ۇيادان ورتاشا ەسەپپەن 43 جۇمىرتقا جيناعان. جالپى، جىلىنا وتاندىق تاۋىقتار ورتاشا ەسەپپەن 227 جۇمىرتقا بەرەدى ەكەن.
2024 -جىلدىڭ قاڭتار- ءساۋىر ايلارىندا شارۋاشىلىقتاردىڭ بارلىعىندا سويىلعان سالماقتاعى بارلىق تۇردەگى ەت ءوندىرىسىنىڭ كولەمى وتكەن جىلدىڭ سايكەس كەزەڭىمەن سالىستىرعاندا %2,5 عا ءوسىپ، 359,3 مىڭ توننا بولعان. ونىڭ ىشىندە جىلقى ەتىن ءوندىرۋ كولەمى %3، تۇيە ەتى %15,4، قۇس ەتى %9,9 ارتىپ وتىر.
ال ءسۇت ءوندىرۋ كولەمى %3,5 عا ءوسىپ، 1432,2 مىڭ توننا بولعانىن اتاپ وتكەن ءجون. تاۋىق جۇمىرتقاسىن ءوندىرۋ وتكەن جىلدىڭ سايكەس كەزەڭىمەن سالىستىرعاندا %0,7 عا ارتىپ، 1446,2 ميلليونعا جەتكەن.
بيىل 1-مامىرداعى جاعداي بويىنشا رەسپۋبليكاعا شەتەلدەن 3277 باس ءسۇتتى جانە ءسۇتتى- ەتتى مال تۇقىمى، 360 باس ەت باعىتىنداعى مال اكەلىنگەن.
ەسكە سالساق، مالشىلار كۇنىن كۇنتىزبەگە ەنگىزۋ تۋرالى ۇكىمەت قاۋلىسى 2021 -جىلدىڭ 14-شىلدەسىندە جاريالانعان بولاتىن.
