08:52, 05 - ناۋرىز 2025 | GMT +5
بۇگىن ەلىمىزدىڭ باسىم بولىگىندە تۇراقسىز اۋا رايى ساقتالادى
استانا. KAZINFORM - قازگيدرومەت ەل اۋماعىندا 5-ناۋرىزدا بولاتىن قاۋىپتى مەتەورولوگيالىق قۇبىلىستارعا بولجام جاسادى.
بولجامعا قاراعاندا، اتموسفەرالىق فرونتتاردىڭ وتۋىمەن ەلىمىزدىڭ باسىم بولىگىندە اۋا رايىنىڭ تۇراقسىز سيپاتى ساقتالادى.
- ق ر باتىسىندا جاۋىن-شاشىن جاڭبىر مەن قار تۇرىندە بولادى. تەك ەلدىڭ وڭتۇستىگىندە جاۋىن-شاشىنسىز اۋا رايى بولادى. رەسپۋبليكا بويىنشا تۇمان، جاياۋ بۇرقاسىن، جەلدىڭ كۇشەيۋى، باتىسىندا، سولتۇستىك-باتىسىندا، وڭتۇستىگىندە كوكتايعاق بولجانادى، - دەپ جازادى سينوپتيكتەر.
كۇندىز اقتوبە وبلىسىنىڭ باتىسىندا قاتتى قار جاۋادى.
