بۇگىن ەلىمىزدىڭ باسىم بولىگىندە كۇن كۇركىرەپ، جاڭبىر جاۋادى
استانا. KAZINFORM -سيكلون ىقپال ەتىپ، اتموسفەرالىق فرونتالدى بولىكتەردىڭ وتۋىنە بايلانىستى 3-شىلدەدە ەلىمىزدىڭ باسىم بولىگىندە كۇن كۇركىرەپ، بۇرشاق جاۋادى. رەسپۋبليكانىڭ سولتۇستىگىندە، شىعىسىندا جانە ورتالىعىندا نوسەر جاڭبىر جاۋادى.
«قازگيدرومەت» ر م ك مالىمەتىنشە، تەك ەلىمىزدىڭ وڭتۇستىگى مەن وڭتۇستىك- باتىسىندا جاۋىن-شاشىنسىز اۋا رايى ساقتالادى. رەسپۋبليكا بويىنشا جەل كۇشەيەدى. تۇندە جانە تاڭەرتەڭ سولتۇستىك جانە سولتۇستىك- باتىستا تۇمان تۇسەدى.
الماتى وبلىسىندا، پاۆلودار وبلىسىنىڭ ورتالىعىندا، وڭتۇستىگىندە، شىعىسىندا، ۇلىتاۋ وبلىسىنىڭ ورتالىعىندا، سولتۇستىك-باتىسىندا، اباي وبلىسىنىڭ ورتالىعىندا، شىعىس قازاقستاننىڭ سولتۇستىك- باتىسىندا، باتىسىندا، اتىراۋ وبلىسىنىڭ باتىسىندا، شىعىسىندا، باتىس قازاقستان وبلىسىنىڭ سولتۇستىگىندە ءورت قاۋپى جوعارى بولادى.
تۇركىستان، قىزىلوردا، جامبىل، الماتى وبلىستارىندا، جەتىسۋ، ۇلىتاۋ وبلىستارىندا، قوستانايدىڭ وڭتۇستىگىندە، شىعىس قازاقستان وبلىستارىندا جانە اباي وبلىسىندا، اتىراۋدىڭ وڭتۇستىك- شىعىسىندا، ماڭعىستاۋدىڭ باتىسىندا، قاراعاندى وبلىسىندا توتەنشە ءورت قاۋپى ساقتالادى.
باتىس قازاقستان جانە اتىراۋ وبلىستارىندا اپتاپ ىستىق بولادى.
