بۇگىن - ۇلتتىق باسىلىم كۇنى

استانا. قازاقپارات - 2023 -جىلى ق ر ۇكىمەتى قاۋلىسىمەن 2-اقپان ۇلتتىق باسىلىم كۇنى بولىپ بەكىتىلدى. بۇل تۋرالى ق ر مادەنيەت جانە اقپارات مينيسترلىگىنىڭ باسپا ءسوز قىزمەتى جازدى.

111 جىل بۇرىن 2-اقپان كۇنى «قازاق» گازەتىنىڭ ءبىرىنشى ءنومىرى شىقتى.

ونىڭ باستاۋىندا احمەت بايتۇرسىن ۇلى، ءاليحان بوكەيحان ۇلى، ءمىرجاقىپ دۋلات ۇلى سەكىلدى ۇلت زيالىلارى تۇردى. «قازاق» گازەتىندە مۇستافا شوقاي، سۇلتانماحمۇت تورايعىروۆ، ءسابيت دونەنتايەۆ، حالەل دوسمۇحامەدوۆ جانە تاعى باسقا تانىمال قازاق قوعام قايراتكەرلەرى ءوز ماقالالارىن جاريالادى.

قازاق زيالىلارى قۇرعان گازەت ۇلتتىق جاڭعىرۋدىڭ قاينار كوزى بولدى. سول سەبەپتى وسى داتانى ۇلتتىق باسىلىم كۇنى رەتىندە اتاپ ءوتۋدىڭ ماڭىزى زور.