بۇگىن ەلدىڭ سولتۇستىگىندە بۇرشاق جاۋىپ، وڭتۇستىكتە جەل كۇشەيەدى

استانا. KAZINFORM - قازگيدرومەت سينوپتيكتەرى 29-ءساۋىر، دۇيسەنبىگە ارنالعان اۋا رايى بولجامىن جاريالادى.

ەلىمىزدىڭ باسىم بولىگىندە تۇراقسىز اۋا-رايى ساقتالادى. نايزاعايمەن جاڭبىر، وڭتۇستىك- شىعىستىڭ تاۋلى ايماقتارىندا جاڭبىر مەن قار تۇرىندە جاۋىن-شاشىن جاۋادى.

تەك ەلىمىزدىڭ وڭتۇستىك- باتىسىنا، سولتۇستىك- باتىسىندا، ورتالىعىنا انتيسيكلون جوتاسى اسەرىنەن جاۋىن-شاشىنسىز اۋا-رايى كۇتىلەدى.

رەسپۋبليكا بويىنشا جەلدىڭ كۇشەيۋى، باتىسى مەن سولتۇستىگىندە بۇرشاق، وڭتۇستىك-باتىسى مەن وڭتۇستىگىندە داۋىل، شاڭدى داۋىل، وڭتۇستىك- شىعىسىندا تۇمان كۇتىلەدى.

تۇندە جامبىل وبلىسىنىڭ شىعىسىندا، تاۋلى اۋداندارىندا 2 گرادۋس ۇسىك كۇتىلەدى.

ماڭعىستاۋ وبلىسىنىڭ باسىم بولىگىندە، قىزىلوردا وبلىسىنىڭ ورتالىعىندا، وڭتۇستىگىندە، تۇركىستان وبلىسىنىڭ سولتۇستىگىندە، اتىراۋ وبلىسىنىڭ وڭتۇستىگىندە، جەتىسۋ وبلىسىنىڭ سولتۇستىگىندە، اباي، قاراعاندى وبلىستارىنىڭ وڭتۇستىگىندە جوعارى ءورت قاۋىپى ساقتالادى.

اۆتور
باقىتگۇل اباي قىزى