بۇگىن ەلدىڭ ءتورت وبلىسىندا كۇن قاتتى ىسيدى - قازگيدرومەت

استانا. KAZINFORM - «قازگيدرومەت» ر م ك- سى شىلدەنىڭ 8-كۇنگى كۇن رايى بولجامىن جاريالادى.

كاسىپورىن تاراتقان دەرەكتەرگە قاراعاندا، قازاقستان اۋماعىنىڭ باسىم بولىگىندە اتموسفەرالىق اعىنداردىڭ وتۋىنە وراي نايزاعاي ويناپ، بۇرشاق جاۋادى جانە داۋىل تۇرادى، جاڭبىر جاۋادى، ەلدىڭ سولتۇستىگىندە، ورتالىعىندا، شىعىسىندا، وڭتۇستىك-شىعىسىندا قاتتى جاڭبىر جاۋادى. رەسپۋبليكا بويىنشا جەلدىڭ كۇشەيۋى كۇتىلەدى، ورتالىقتا تۇندە جانە تاڭەرتەڭ تۇمان تۇسەدى.

كۇندىز باتىس قازاقستان، اتىراۋ، ماڭعىستاۋ وبلىستارىندا، اقتوبە وبلىسىنىڭ باتىسىندا قاتتى ىستىق ساقتالادى.

اتىراۋ وبلىسىنىڭ سولتۇستىگىندە، ورتالىعىندا، باتىس قازاقستان وبلىسىنىڭ سولتۇستىگىندە، باتىسىندا، وڭتۇستىگىندە، اقتوبە وبلىسىنىڭ وڭتۇستىگىندە ءورت قاۋپى جوعارى بولادى.

تۇركىستان، قىزىلوردا، جامبىل، ماڭعىستاۋ وبلىستارىندا، ۇلىتاۋ وبلىسىندا، قوستانايدىڭ وڭتۇستىگىندە، اتىراۋ وبلىسىنىڭ وڭتۇستىك-باتىسىندا، وڭتۇستىك-شىعىسىندا توتەنشە ءورت قاۋپى ساقتالادى.