بۇگىن ەل اۋماعىندا جەل تۇرىپ، شاڭدى داۋىل سوعادى - قازگيدرومەت

استانا. KAZINFORM - «قازگيدرومەت» ر م ك ەل اۋماعىندا 29-ماۋسىمدا بولاتىن قاۋىپتى مەتەورولوگيالىق قۇبىلىستارعا بولجام جاسادى.

الداعى تاۋلىكتە قازاقستان اۋماعىندا اۋا رايىندا ايتارلىقتاي وزگەرىستەر كۇتىلمەيدى: جاڭبىر جاۋادى، سولتۇستىك-باتىستا، سولتۇستىكتە قاتتى جاڭبىر جاۋادى. نايزاعاي، بۇرشاق، داۋىل كۇتىلەدى. تەك قر وڭتۇستىگى مەن شىعىسىندا جاۋىن- شاشىنسىز اۋا رايى ساقتالادى. رەسپۋبليكا بويىنشا جەل كۇشەيەدى، وڭتۇستىگىندە شاڭدى داۋىل بولجانادى.

«كۇندىز اباي، جەتىسۋ، الماتى، پاۆلودار، جامبىل، شىعىس قازاقستان وبلىستارىندا قاتتى ىستىق بولادى.

الماتى وبلىسىنىڭ سولتۇستىگىندە، ورتالىعىندا، جەتىسۋ وبلىسىنىڭ سولتۇستىگىندە، اباي وبلىسىنىڭ وڭتۇستىگىندە وتە قاتتى ىستىق ساقتالادى.

قاراعاندى، پاۆلودار، اباي، جەتىسۋ وبلىستارىندا، ۇلىتاۋ وبلىسىنىڭ سولتۇستىگىندە، شىعىسىندا، اقمولا وبلىسىنىڭ باتىسىندا، وڭتۇستىگىندە، شىعىس قازاقستان وبلىسىنىڭ وڭتۇستىگىندە، ماڭعىستاۋ وبلىسىنىڭ باتىسىندا جوعارى ءورت قاۋپى ساقتالادى، اقمولا وبلىسىنىڭ شىعىسىندا جوعارى ءورت قاۋپى بولادى كۇتىلەدى»، - دەپ جازدى سينوپتيكتەر.

تۇركىستان، جامبىل، قىزىلوردا، الماتى، ۇلىتاۋ وبلىستارىندا، ماڭعىستاۋ وبلىسىنىڭ سولتۇستىگىندە، قوستاناي وبلىسىنىڭ وڭتۇستىگىندە، قاراعاندى وبلىسىنىڭ وڭتۇستىگىندە، باتىسىندا، اباي وبلىسىنىڭ وڭتۇستىگىندە، جەتىسۋ وبلىسىنىڭ سولتۇستىگىندە، شىعىسىندا، اتىراۋ وبلىسىنىڭ باتىسىندا، وڭتۇستىك-شىعىسىندا توتەنشە ءورت قاۋپى ساقتالادى.