بۇگىن كۇن تۇتىلادى

  جەر تۇرعىندارى بۇگىن، 14-قازان كۇنى كۇن ديسكى ساقيناعا اينالعانىن كورە الادى. اي كۇن بەتىن تولىق ەمەس، ورتاسىن عانا جابادى.

астрономиялық құбылыс
Фото: Фото: Kazinform

ياعني تۇرعىندارعا «جارقىراپ تۇرعان ساقينا» كورىنەدى. Kazinform بۇل تۋرالى گازەتا. رۋ باسىلىمىنا سىلتەمە جاساپ حابارلايدى.

كۇننىڭ تۇتىلۋى 14-قازان كۇنى بەلگىلى ءبىر ءدالىز ارقىلى ءوتىپ، ارتىنشا، 23-قازان كۇنى اي تۇتىلادى.

استرونوميالىق قۇبىلىستى ا ق ش، ورتالىق امەريكا، كولۋمبيا مەن برازيليا تۇرعىندارى تاماشالاي الادى. ونىڭ باستالۋى تىنىق مۇحيت ايدىنىنان، اياقتالۋى كاريب تەڭىزى اكۆاتورياسىنان كورىنەدى. الەمنىڭ ءىرى وبسەرۆاتوريالارى قۇبىلىستى تىكەلەي ەفيردە كورسەتەدى.

بولجام بويىنشا، تۇتىلۋ ۋاقىتى 5 مينۋت 17 سەكۋندقا سوزىلادى. ءبىراق استرونوميالىق قۇبىلىستى كوزگە ەشتەڭە تاقپاي باقىلاۋ قاۋىپتى ەكەنىن ۇمىتپاعان ابزال. قورعانىش قاباتى بار وپتيكالىق تەحنيكا قولدانعان دۇرىس.

سونداي- اق بۇل 2023 -جىلعى كۇننىڭ سوڭعى تۇتىلۋى ەكەنىن اتاپ وتكەن ءجون.

سوڭعى جاڭالىقتار