بۇگىن كۇن كۇركىرەپ، جاڭبىر جاۋادى

استانا. KAZINFORM - قازگيدرومەت 17-شىلدە، سارسەنبىگە ارنالعان اۋا رايى بولجامىن جاريالادى.

بۇگىن ەلدىڭ باسىم بولىگىنە باياۋ جىلجيتىن وڭتۇستىك تسيكلونى جانە ونىمەن بىرگە كەلەتىن اتموسفەرالىق فرونتتار ىقپال ەتەدى.

سونىڭ سالدارىنان اۋا رايىنىڭ تۇراقسىز سيپاتى ساقتالادى.

جاڭبىر جاۋادى، سولتۇستىكتە، شىعىستا، ورتالىقتا نايزاعاي جارقىلداپ، بۇرشاق جاۋادى.

نوسەر جاۋىن قاتتى جەلمەن بىرگە جاۋادى.

رەسپۋبليكا بويىنشا جەل كۇشەيەدى.

كۇندىز اتىراۋ وبلىسىندا قاتتى ىستىق ساقتالادى.

اتىراۋ، باتىس قازاقستان، جامبىل، اباي، اقتوبە، شىعىس قازاقستان، ۇلىتاۋ، پاۆلودار وبلىسىندا جوعارى ءورت قاۋپى بار.

ماڭعىستاۋ، اتىراۋ، قوستاناي، تۇركىستان، قىزىلوردا، جامبىل وبلىسىندا توتەنشە ءورت قاۋپى ساقتالادى.