بۇگىن كۇن اشىق، ءۇش گرادۋسقا دەيىن قاتقاق بولادى

 قازگيدرومەت سينوپتيكتەرى 17-قازان، سەيسەنبىگە ارنالعان اۋا رايى بولجامىن ۇسىندى، دەپ حابارلايدى Kazinform. 

قازاقستاننىڭ باسىم بولىگى كەڭ اۋقىمدى انتيسيكلوننىڭ ىقپالىندا بولادى.

سوندىقتان كۇن اشىق، جاۋىن-شاشىن جاۋمايدى.

تەك ەلدىڭ باتىسىندا اتموسفەرالىق فرونتتاردىڭ وتۋىنە بايلانىستى جاڭبىر جاۋادى.

ەلىمىزدىڭ باتىسىندا، وڭتۇستىك- شىعىسىندا جەل كۇشەيەدى.

رەسپۋبليكا بويىنشا تۇنگى جانە تاڭەرتەڭگى ۋاقىتتا تۇمان تۇسەدى.

جەتىسۋ وبلىسىنىڭ ورتالىعىندا، تاۋلى اۋداندارىندا 1-3 گرادۋسقا دەيىن ۇسىك جۇرەدى.