بۇگىن فۋتبولدان كلۋبتار اراسىنداعى 2023-جىلعى الەم چەمپيوناتى باستالادى

بۇگىن فۋتبولدان كلۋبتار اراسىنداعى 2023-جىلعى الەم چەمپيوناتى باستالادى، دەپ حابارلايدى Kazinform.

ءدۇبىرلى دودا ساۋد ارابياسىنىڭ دجيددا قالاسىندا 12-22- جەلتوقسان ارالىعىندا وتكىزىلەدى. وعان بارلىعى جەتى كوماندا قاتىسادى.

بيىل الەم چەمپيوناتىندا «فلۋمينەنسە» (برازيليا)، «مانچەستەر سيتي» (انگليا)، «لەون» (مەكسيكا)، «ۋراۆا رەد دايموندس» (جاپونيا)، «ال-احلي» (ەگيپەت)، «وكلەند سيتي» (جاڭا زەلانديا) جانە «ال-يتتيحاد» (ساۋد ارابياسى) سىنعا تۇسەدى.

12- جەلتوقساندا ءبىرىنشى تۋردا «ال-يتتيحاد» پەن «وكلەند سيتي» تۋرنيردى باستايدى.

ويىن ەلوردا ۋاقىتىمەن 23:50 دە باستالىپ، «Qazsport» تەلەارناسىنان تىكەلەي ەفيردە كورسەتىلەدى.

بۇل جۇپتىڭ جەڭىمپازى ەكىنشى تۋردا 15- جەلتوقساندا «ال-احلي» كومانداسىمەن كەزدەسسە، سول كۇنى «لەون» مەن «ۋراۆا رەد دايموندس» شەبەرلىك بايقاسادى.

ال 18- جەلتوقساندا جارتىلاي فينالدا «فلۋمينەنسە» «ال-احلي» مەن ءبىرىنشى تۋردىڭ جەڭىمپازىمەن بولعان كەزدەسۋدىڭ جەڭىمپازىمەن جاسىل الاڭعا شىعادى.

تاعى ءبىر جارتىلاي فينالدا 19- جەلتوقساندا «مانچەستەر سيتي» «لەون» مەن «ۋراۆا رەد دايموندس» جۇبىنىڭ جەڭىمپازىمەن كەزدەسەدى.

22- جەلتوقساندا فينال مەن 3-ورىن ءۇشىن ويىندار وتكىزىلەدى. بۇل اتالعان فورماتتا ءوتىپ جاتقان سوڭعى تۋرنير. 2025-جىلدان باستاپ كلۋبتار اراسىنداعى الەم چەمپيوناتىندا 32 كوماندا قاتىسادى دەپ جوسپارلانىپ وتىر.

اتالعان دودا 2000-جىلدان بەرى تۇراقتى تۇردە وتكىزىلىپ كەلەدى. بۇعان دەيىن 11 كوماندا جەڭىمپاز اتاندى.

ەسكە سالساق، بۇدان بۇرىن فۋتبولدان Euro-2024 جەرەبەسى تارتىلىپ، قازاقستاننىڭ ىقتيمال قارسىلاستارى انىقتالدى.