بۇگىن دوكتورانتۋراعا ءتۇسۋ ەمتيحاندارى باستالدى

بۇگىن قازاقستاندا دوكتورانتۋراعا تۇسۋگە ەمتيحان تاپسىرۋ باستالدى، دەپ حابارلايدى Kazinform.

عىلىم جانە جوعارى ءبىلىم مينيسترلىگىنىڭ مالىمەتىنشە، ەمتيحاندى تاپسىرۋعا ءوتىنىش قابىلداۋ 25- قازان – 10- قاراشا ارالىعىندا ۇلتتىق تەستىلەۋ ورتالىعىنىڭ app.testcenter.kz سايتىندا جۇرگىزىلەدى.

دوكتورانتۋراعا ءتۇسۋ ەمتيحاندارىنا 1060 ادام قاتىسادى. سىناقتار بۇگىن باستالىپ، 2- جەلتوقسانعا دەيىن جالعاسادى.

«ءتۇسۋ ەمتيحانىنا ەسسە جازۋ، دوكتورانتۋراعا دايىندىق تەستى جانە ءبىلىم بەرۋ باعدارلاماسى توبىنىڭ بەيىنى بويىنشا ەمتيحان كىرەدى.

جالپى، ءتۇسۋ ەمتيحانىنىڭ ەڭ جوعارى كورسەتكىشى 100 بال، ونىڭ ىشىندە اڭگىمەلەسۋ - 20 بال، ەسسە - 10 بال، دوكتورانتۋرادا وقۋعا دايىندىعىن انىقتاۋعا ارنالعان تەست - 30 بال، بەيىنى بويىنشا ەمتيحان سۇراقتارى - 40 بالدى قۇرايدى.

ال مەملەكەتتىك ءبىلىم بەرۋ تاپسىرىسى بويىنشا كونكۋرسقا قاتىسۋ ءۇشىن جانە اقىلى نەگىزدە دوكتورانتۋراعا ءتۇسۋ ءۇشىن شەكتى بال 75 بالدى قۇرايدى»، - دەپ اتاپ ءوتتى ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.

اتاپ وتسەك، 2022-جىلدان باستاپ دوكتورانتۋراعا ءتۇسۋ ءۇشىن شەت ءتىلىن مەڭگەرگەندىگى تۋرالى سەرتيفيكاتتان بولەك، قازتەست جۇيەسى بويىنشا مەملەكەتتىك ءتىلدى مەڭگەرگەنىن راستايتىن سەرتيفيكاتتى ۇسىنۋ قاجەت.

ءتۇسۋ ەمتيحانىنىڭ ناتيجەلەرى ونى وتكىزگەننەن كەيىن كەلەسى كۇنى جاريالانادى. ونى جەكە كابينەتتە كورۋگە بولادى.

بولاشاق دوكتورانتتار ءۇشىن 700 دەن استام گرانت بولىنگەن.