بۇگىن بەس وبلىستا 35-37 گرادۋس ىستىق بولادى - قازگيدرومەت
استانا. KAZINIFORM - «قازگيدرومەت» ر م ك- سى ماۋسىمنىڭ 11- كۇنگى كۇن رايى بولجامىن جاريالادى.
كاسىپورىننىڭ دەرەكتەرىنە قاراعاندا، انتيتسيكلوننىڭ ىقپالىمەن قازاقستاننىڭ شىعىسىندا كۇن جاۋىن-شاشىنسىز بولادى.
ەلىمىزدىڭ قالعان بولىگىندە سيكلون جانە ونىمەن بايلانىستى اتموسفەرالىق فرونتالدى بولىكتەر ىقپال ەتىپ، جاڭبىر جاۋادى، نايزاعاي وينايدى، جەل كۇشەيەدى. ەلىمىزدىڭ وڭتۇستىگىندە شاڭدى داۋىل تۇرادى، رەسپۋبليكانىڭ وڭتۇستىك-باتىسىندا تۇندە جانە تاڭەرتەڭ تۇمان تۇسەدى.
الماتى، قاراعاندى، ۇلىتاۋ، جەتىسۋ، اباي وبلىستارىندا، باتىس قازاقستان وبلىسىنىڭ سولتۇستىگىندە، پاۆلودار وبلىسىنىڭ باتىسىندا، وڭتۇستىگىندە، اقتوبە وبلىسىنىڭ ورتالىعىندا، جامبىل وبلىسىنىڭ شىعىسىندا، ماڭعىستاۋ وبلىسىنىڭ سولتۇستىك-باتىسىندا، وڭتۇستىك-شىعىسىندا، ورتالىعىندا، اقمولا وبلىسىنىڭ وڭتۇستىگىندە، سولتۇستىك قازاقستان وبلىسىنىڭ باتىسىندا، سولتۇستىگىندە، قوستاناي وبلىسىنىڭ سولتۇستىك-باتىسىندا، وڭتۇستىك- شىعىسىندا، ورتالىعىندا، شىعىس قازاقستان وبلىسىنىڭ وڭتۇستىك جارتىسىندا جوعارى ءورت قاۋپى بار.
قىزىلوردا، جامبىل، تۇركىستان وبلىستارىندا، اتىراۋ وبلىسىنىڭ سولتۇستىك- باتىسىندا، شىعىسىندا، ورتالىعىندا، اقتوبە وبلىسىنىڭ باتىسىندا، سولتۇستىگىندە، وڭتۇستىگىندە، وڭتۇستىك-شىعىسىندا، الماتى وبلىسىنىڭ باتىسىندا، سولتۇستىگىندە، ماڭعىستاۋ وبلىسىنىڭ سولتۇستىگىندە، شىعىسىندا، قوستاناي، باتىس قازاقستان جانە ۇلىتاۋ وبلىستارىنىڭ وڭتۇستىگىندە، قاراعاندى وبلىسىنىڭ باتىسىندا، اباي وبلىسىنىڭ وڭتۇستىگىندە، وڭتۇستىك- باتىسىندا، جەتىسۋ وبلىسىنىڭ سولتۇستىگىندە، شىعىسىندا توتەنشە ءورت قاۋپى ساقتالادى.
كۇندىز الماتى، جەتىسۋ، باتىس قازاقستان، اتىراۋ وبلىستارىندا، اباي وبلىسىنىڭ وڭتۇستىگىندە 35-37 گرادۋس اپتاپ ىستىق بولادى.
