بۇگىن پاريجدە رولان گارروس تۋرنيرى باستالادى

кукушкин теннис
Фото: instagram.com/kukushkin_mikhail

پاريج. KAZINFORM - بۇگىن فرانسيا استاناسى پاريجدە رولان گارروس تۋرنيرى باستالادى. ءتورت «ۇلكەن دۋلىعا» جارىسىنىڭ ءبىرى - فرانتسيا اشىق چەمپيوناتىندا قازاقستاندىقتار باق سىنايدى.

بۇگىن ىرىكتەۋ سايىستارىنان قوسىلعان، دۇنيەجۇزىلىك رەيتينگىدە 135-ورىندا تۇرعان ميحايل كۋكۋشكين قازاقستاننان ءبىرىنشى بولىپ كورتقا شىعادى. ونىڭ قارسىلاسى - الەمنىڭ 41-راكەتكاسى، ماجارستاندىق فابيان ماروجان. ف. ماروجان وسى ايدا تاعى ءبىر قازاقستاندىق، الەمنىڭ 61-راكەتكاسى الەكساندر شيەۆچەنكومەن ەكى رەت كەزدەسىپ، جەڭىلگەن ەدى.

رولان گارروستا ا. شيەۆچەنكو رەيتينگىدە 82-ساتىداعى رەسەيلىك اسلان كاراتسيەۆپەن سىنعا تۇسەدى.

قازاقستاننىڭ ءبىرىنشى، الەمنىڭ 19-راكەتكاسى الەكساندر بۋبليكتىڭ العاشقى اينالىمداعى قارسىلاسى - ىرىكتەۋ سايىستارىنان نەگىزگى تۋرنيرگە جولداما العان فرانتسيالىق، رەيتينگىدە 108-ورىنداعى گرەگۋار باررەر.

قازاقستاننىڭ ايەلدەر اراسىندا ءبىرىنشى، الەمنىڭ 4-راكەتكاسى ەلەنا رىباكينا باستاپقى كەزدەسۋىن رەيتينگىدە 86-ساتىداعى بەلگيالىق گرەتە ميننەنمەن وتكىزەدى.

يۋليا پۋتينتسيەۆا (№37) رەيتينگىدە وزىنەن ەكى ساتى جوعارى تۇرعان امەريكالىق، 2017 -جىلعى ا ق ش چەمپيونى سلوان ستيۆەنستەن وتۋگە تىرىسىپ كورەدى.

وتكەن جىلى پاريجدە ە. رىباكينا مەن يۋ. پۋتينتسيەۆا ءۇشىنشى اينالىمنان اسا المادى. يۋ. پۋتينتسيەۆا ءدال سول س. ستيۆەنسكە جول بەرگەن ەدى. ال ا. بۋبليك ءبىرىنشى، ا. شيەۆچەنكو ەكىنشى كەزدەسۋىندە ءسۇرىندى.

جۇپتىق سىندا بيىل قازاقستاننان الەكساندر نەدوۆەسوۆ پەن اننا دانيلينا قاتىسادى.

جاسوسپىرىمدەر اراسىندا فرانسيا اشىق چەمپيوناتىندا ءامىر ومارحانوۆ، سونيا جيەنبايەۆا جانە اسىلجان ارىستانبەكوۆا ونەر كورسەتەدى. سونداي- اق دانيال راحماتۋللايەۆ ىرىكتەۋ دوداسىندا باق سىنايدى.

رولان گارروس ءتۋرنيرى 9-ماۋسىمدا مارەسىنە جەتەدى.

ەسكە سالا كەتەيىك، بۇدان بۇرىن تيموفەي سكاتوۆتىڭ گەرمانياداعى تۋرنيردىڭ چەمپيونى اتانعانىن جازعان بولاتىنبىز.

تەننيستەن الەم چەمپيوناتىندا قازاقستان جاسوسپىرىمدەر قۇراماسى ىرىكتەۋ ءتۋرنيرىن ەكىنشى ورىنمەن اياقتادى.

سوڭعى جاڭالىقتار