بىلتىر وزبەكستاندا جاسالعان اسا اۋىر قىلمىستار سانى 24 پايىزعا ءوستى

تاشكەنت. KAZINFORM - بىلتىر وزبەكستاندا 132298 قىلمىس تىركەلگەن، بۇل 2023 -جىلمەن سالىستىرعاندا %27,1 عا كوپ، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

ەلدىڭ ستاتيستيكا اگەنتتىگىنەن ءمالىم ەتكەندەي، ءبىر جىلدا جاسالعان اسا اۋىر قىلمىستاردىڭ سانى كۇرت ارتتى. اتاپ ايتقاندا، بىلتىر مۇنداي سيپاتتاعى 5357 قىلمىس تىركەلدى، بۇل 2023 -جىلعى دەرەكتەرمەن سالىستىرعاندا %24,1 عا كوپ.

ولاردىڭ باسىم بولىگى كوپشىلىگى تاشكەنت قالاسىندا (1753) جاسالعان. ودان كەيىن تاشكەنت وبلىسى (563)، سامارقان (489) جانە فەرعانا (411) وڭىرلەرى تۇر.

ەسكە سالايىق، تاياۋدا وزبەكستاندا زاڭسىز بايلىققا كەنەلگەندەرگە جازا ەنگىزۋ ۇسىنىلدى.

بۇعان دەيىن حابارلاعانىمىزداي، بىلتىر وزبەكستاندا جول اپاتىنان 2 مىڭنان استام ادام قازا تاپتى. سونداي-اق، وزبەكستاندا جول ەرەجەسىن ءجيى بۇزاتىندار ەندى كولىك باسقارۋ قۇقىعىنان ايىرىلادى.

مۇنىمەن بىرگە، 2024 -جىلى ماس كۇيىندە كولىك باسقارعان 31,3 مىڭ وزبەكستاندىق اكىمشىلىك جاۋاپقا تارتىلدى.

اۆتور

ءاليحان اسقار