بىلتىر قازاقستاننان وزبەكستانعا 800 ميلليون دوللارعا جۋىق اقشا اۋدارىلعان
تاشكەنت. KAZINFORM - بىلتىر وزبەكستانعا شەت ەلدەردەن تۇسكەن اقشا اۋدارىمدارىنىڭ كولەمى 2023 -جىلمەن سالىستىرعاندا %30 عا ارتىپ، 14,8 ميلليارد دوللارعا تەڭەلدى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

وزبەكستان ورتالىق بانكىنىڭ مالىمەتىنشە، قاراجاتتىڭ باسىم بولىگى، ياعني 11,5 ميلليارد دوللار رەسەيدەن تۇسكەن. بۇل 2023 - جىلمەن سالىستىرعاندا %29 عا كوپ.
قالعان اقشانى قازاقستان ($795 ميلليون)، ا ق ش ($577 ميلليون)، وڭتۇستىك كورەيا ($534 ميلليون)، تۇركيا ($405 ميلليون)، ۇلىبريتانيا ($135 ميلليون) جانە وزگە دە مەملەكەتتەردە جۇمىس ىستەپ جۇرگەن وزبەكستاندىقتار اۋدارعان.
- اۋدارىمدار كولەمىنىڭ وسۋىنە ەكونوميكالىق جاعدايدىڭ جاقسارۋى، شەت ەلدەردە جۇمىس كۇشىنە سۇرانىستىڭ ارتۋى جانە جوعارى جالاقى ىقپال ەتتى، - دەلىنگەن وزبەكستان ورتالىق بانكىنىڭ ەسەبىندە.
ەسكە سالايىق، بيىل وزبەكستان ۇكىمەتى 5,2 ميلليون ادامدى جۇمىسپەن قامتۋدى جوسپارلاپ وتىر.
سونداي- اق، كورشى ەل بيلىگى ۇستىمىزدەگى جىلى ەكسپورت كولەمىن 30 ميلليارد دوللاردان اسىرۋعا نيەتتى.