بىلتىر قازاقستان التىن وندىرەتىن كوشباسشى ەلدەر قاتارىنا كىردى

استانا. KAZINFORM – ا ق ش گەولوگيالىق قىزمەتى (USGS) 2023 -جىلى التىن ءوندىرۋ تۋرالى مالىمەتتەردى جاريالادى. الەمدىك كوشباسشىلاردىڭ ۇشتىگىنە قىتاي، اۆستراليا جانە رەسەي كىردى. قازاقستان رەيتينگىدە التىنشى ورىندا تۇر.

USGS مالىمەتتەرى بويىنشا، الەمدىك التىن ءوندىرىسى 2023 -جىلى 3 مىڭ توننا بولدى. قور كولەمى 59 مىڭ تونناعا باعالانادى.

التىن وندىرۋدە قىتاي (370 توننا)، اۋستراليا (310 توننا) جانە رەسەي (310 توننا) كوشباسشى بولدى. قازاقستان ءوندىرۋ كولەمى 130 توننا بولاتىن التىنشى ورىندا، بۇل 2022-جىلمەن سالىستىرعاندا 15 تونناعا ارتىق.

سونىمەن، التىن وندىرەتىن ۇزدىك توپ-10 ەل:

* قىتاي (370 توننا)؛

* اۋستراليا (310 توننا)؛

* رەسەي (310 توننا)؛

* كانادا (200 توننا)؛

* ا ق ش (170 توننا)؛

* قازاقستان (130 توننا)؛

* مەكسيكا (120 توننا)؛

* يندونەزيا (110 توننا) ؛

* وڭتۇستىك افريكا (100 توننا)؛

* وزبەكستان (100 توننا).

ايتا كەتسەك، قازاقستان التىن ساتىپ الۋ بويىنشا الەمدە ءۇشىنشى ورىندا تۇر.

سونداي- اق، قازاقستاندا التىننىڭ زاڭسىز اينالىمى فاكتىلەرىنەن قانشا شىعىن كەلگەنى تۋرالى حابارلاعان ەدىك.