بىلتىر جەلتوقساندا قىزىلشادان ەكى ءسابي قايتىس بولدى - مينيسترلىك

аурухана
Фото: Pixabay

2023-جىلدىڭ جەلتوقسان ايىندا قىزىلشادان قايتىس بولۋ فاكتىسى تىركەلدى، ەكەۋى دە ايلىق ءسابي.

بۇل تۋرالى دەنساۋلىق ساقتاۋ مينيسترلىگى انا مەن بالا دەنساۋلىعىن قورعاۋ دەپارتامەنتى ديرەكتورىنىڭ ورىنباسارى ايگەرىم وسپانوۆا ءمالىم ەتتى، دەپ حابارلايدى Kazinform.

«وتكەن جىلى جەلتوقساندا قىزىلشادان بالالار ءولىمىنىڭ ەكى جاعدايى تىركەلدى. سونىڭ ءبىرى ش ق و- دا بولدى، 6 ايلىق بالا كوز جۇمدى. العاشىندا اتا-اناسى بالانى اۋرۋحاناعا جاتقىزۋدان باس تارتتى. ۋاقىت وتە كەلە ءسابيدىڭ جاعدايى ناشارلاپ، دەرت اسقىنىپ كەتكەن. ايتا كەتۋ كەرەك، ش ق و- داعى بالانىڭ اناسى ۆاكسينا الماعان»، - دەدى ايگەرىم وسپانوۆا ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

مينيسترلىك وكىلىنىڭ ايتۋىنشا، ءسابيدىڭ ءولىمى قىزىلشادان بولعانى مەديتسينالىق-ساراپتامالىق تۇرعىدان راستالدى.

«ەكىنشى جاعدايعا كەلسەك، ول – 4 ايلىق ءسابي. بالا وتە اۋىر جاعدايدا قابىلداندى. بۇگىنگى تاڭدا ساراپتامالار جۇرگىزىلىپ، قىزىلشا دياگنوزى راستالدى»، - دەدى ول.

ايتا كەتەيىك، بۇعان دەيىن اقتاۋدا قىزىلشا جۇقتىرعان ءتورت بالا جانساقتاۋ بولىمىندە جاتقانى تۋرالى حابارلاعان بولاتىنبىز.

سوڭعى جاڭالىقتار