بىلتىر 161 باستىق جەمقورلىقپەن اشكەرە بولعان: انتيكور باسشىسى پرەزيدەنتكە ەسەپ بەردى
استانا. KAZINFORM - مەملەكەت باسشىسى سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى اسحات جۇماعاليدى قابىلدادى.
اسحات جۇماعالي سىبايلاس جەمقورلىققا قارسى قىزمەتتىڭ بىلتىر اتقارعان جۇمىسىنىڭ ناتيجەسى جونىندە ەسەپ بەردى.
ونىڭ ايتۋىنشا، وتكەن جىلى جەمقورلىققا قاتىستى 1692 قىلمىس تىركەلىپ، 1324 ادام اشكەرەلەنگەن. ونىڭ 161 ءى ءتۇرلى دەڭگەيدەگى باسشىلار. 1221 ءىس سوتقا جىبەرىلگەن.
2022-جىلدان بەرى مەملەكەتكە جانە كۆازيمەملەكەتتىك سەكتور سۋبەكتىلەرىنە 1,02 تريلليون تەڭگە (2,2 ميلليارد ا ق ش دوللارىنان استام) كولەمىندە مۇلىكتىك اكتيۆتەر مەن قاراجات قايتارىلعان، ءبىرقاتار قىلمىستىق ءىستى تەرگەۋ بارىسى تۋرالى مالىمەت بەردى.
«و ك م» وپەراتورى» ج ش س- نە قاتىستى اياقتالعان قىلمىستىق ىستەر بويىنشا قوستاناي جانە قاراعاندى وبلىستارىنداعى جالپى قۇنى شامامەن 20 ميلليارد تەڭگە بولاتىن 2 زاۋىت مەملەكەت مەنشىگىنە وتكەن.
ق. ساتىبالدى ۇلىنا قاتىستى سوتقا دەيىنگى تەرگەۋ امالدارى اياسىندا بيىل اقپان ايىندا بيۋجەتكە تاعى دا شامامەن 82,6 ميلليارد تەڭگە (185 ميلليون ا ق ش دوللارى) تۇسكەن.
بۇدان بولەك، اقمولا وبلىسىنىڭ قوسشى قالاسىنداعى 942 گەكتار جەر ۋچاسكەسى مەملەكەتكە قايتارىلعان.
ونىڭ نارىقتىق قۇنى 13 ميلليارد تەڭگەدەن اسادى.
مەملەكەتتىك ساتىپ الۋ پورتالىنا مونيتورينگ جۇرگىزۋ بارىسىندا 41,3 ميلليارد تەڭگە كولەمىندەگى بيۋجەت قاراجاتىنىڭ ماقساتسىز جۇمسالۋىنا جول بەرىلمەگەن.
مامانداندىرىلعان ح ق و- دا اۆتوكولىك تىركەۋ كەزىندەگى قۋلىق جاساۋ جولدارىن انىقتاعان.
مەملەكەتتىك باج سالىعى مەن اۆتوموبيلدەردى تىركەۋدەن تۇسكەن تولەمدەردىڭ باسىم بولىگى اقپاراتتىق جۇيەلەردىڭ جۇمىسىنداعى ولقىلىقتارعا بايلانىستى بيۋجەتكە تۇسپەگەن؛
اگەنتتىكتىڭ ۇسىنىستارى بويىنشا كەمشىلىكتەر جويىلعاننان كەيىن 2023-جىلى بيۋجەتكە تۇسكەن تۇسىمدەر (2022-جىلمەن سالىستىرعاندا) 9 ەسە ۇلعايىپ، 91,4 ميلليارد تەڭگەنى قۇراعان.
وسى رەتتە ەكى جىلدا دا تىركەلگەن اۆتوكولىكتەردىڭ سانى بىردەي بولعان.
سپورتتى قارجىلاندىرۋ سالاسىنداعى سىبايلاس جەمقورلىق تاۋەكەلدەرىنە سىرتقى تالداۋ جۇرگىزىلىپ جاتقانىن، تەكسەرۋ بارىسىندا بيۋجەت قاراجاتىنىڭ ءتيىمسىز بولىنۋىنە، سونىڭ ىشىندە سىبايلاس جەمقورلىق سىن-قاتەرلەرىنە بايلانىستى ارەكەتتەر انىقتالعان.
تەك وسى جىلدىڭ وزىندە اگەنتتىك اتالعان سالاداعى جىمقىرۋ فاكتىلەرى بويىنشا 18 قىلمىستىق ءىستى تىركەگەن.
«سك «فارماتسيا» ج ش س قىزمەتىن تالداۋ جۇمىستارى اياقتالعان.
مۇندا دا مەديتسينالىق پرەپاراتتار مەن جابدىقتاردى ساتىپ الۋعا قاتىستى ايتارلىقتاي جەمقورلىق تاۋەكەلدەرى انىقتالعان. الەۋمەتتىك ماڭىزى بار پروبلەمالى وبەكتىلەردىڭ قۇرىلىس بارىسىن قاداعالاۋ ناتيجەسىندە بۇكىل ەل بويىنشا 32 عيمارات پەن نىسان سالىنعان.
«سىبايلاس جەمقورلىققا قارسى ۆولونتەرلىك» جوباسى اياسىندا سوماسى 2 ميلليارد تەڭگەدەن اساتىن تاۋارلار مەن قىزمەتتەردىڭ باعاسىن كوتەرۋ تاۋەكەلدەرىنە جول بەرىلمەگەن.
10 مىڭعا جۋىق ازاماتقا تەگىن قۇقىقتىق كومەك كورسەتىلگەن.
ۇلتتىق بانكتىڭ «سيفرلىق تەڭگە» جوباسى ارقىلى «اقشانى بوياۋ» تەتىگىن ەنگىزۋ ماسەلەسى پىسىقتالعان. قازىرگى ۋاقىتتا سيفرلىق تەڭگە پيلوتتىق رەجيمدە الماتى قالاسىنداعى مەكتەپتەردىڭ بىرىندە ىسكە اسىرىلىپ جاتىر.
قابىلدانعان كەشەندى شارالاردىڭ ناتيجەسىندە قازاقستان 2023-جىلدىڭ قورىتىندىسى بويىنشا Transparency International (سىبايلاس جەمقورلىقتى قابىلداۋ يندەكسى) رەيتينگىندە 8 پوزيتسياعا كوتەرىلىپ، 180 ەلدىڭ اراسىندا 93-ورىنعا تۇراقتاعان.
قاسىم-جومارت توقايەۆ سىبايلاس جەمقورلىققا قارسى ءىس-قيمىلدى جانە الدىن الۋ شارالارىن كۇشەيتۋگە باعىتتالعان جۇيەلى جۇمىستاردى جالعاستىرۋ جونىندە ءبىرقاتار ناقتى تاپسىرما بەردى.
