20:26, 15 - جەلتوقسان 2023 | GMT +5
بەيجىڭدەگى مەترو اپاتىنان 500 دەن استام ادام زارداپ شەكتى
14-جەلتوقسان كۇنى بەيجىڭدەگى مەترودا اپات بولدى، دەپ حابارلايدى Kazinform.
شينحۋا اقپارات اگەنتتىگىنىڭ حابارلاۋىنشا، اپاتتان 515 ادام زارداپ شەككەن. ونىڭ 102 سى ءتۇرلى جاراقاتپەن اۋرۋحاناعا جەتكىزىلدى.
اپاتقا رەلستىڭ تىم تايعاق بولعانى سەبەپ بولعانى ايتىلدى. تەجەۋىش ىستەن شىعىپ، پويىزدار ءبىر-بىرىنە سوعىلعان.
قازىرگى كەزدە جەرگىلىكتى قۇقىق قورعاۋ ورگاندارى اپاتتىڭ وزگە دە سەبەپتەرىن انىقتاپ، قوسىمشا تەكسەرۋ جۇمىستارىن جۇرگىزىپ جاتىر.
اۆتور
مۇحتار مۇرات
