بەيجىڭدە قازاقتىڭ ۇلتتىق قۇندىلىقتارى تانىستىرىلدى
بەيجىڭ. KAZINFORM - بەيجىڭ قالاسىندا قىتايداعى قازاقستان تۋريزم جىلىنىڭ رەسمي اشىلۋىنا وراي قازاقتىڭ ۇلتتىق قۇدىلىقتارى مەن ءار وبلىستىڭ تۋريستىك مۇمكىندىكتەرى تانىستىرىلدى.
اتاپ ايتساق، بەيجىڭدە قازاقستاننىڭ ءار وڭىرىنەن كەلگەن دەلاگاتسيا مۇشەلەرى قازاقتىڭ قۇرتى مەن ىرىمشىگىن، قازى-قارتا، جال-جاياسىن، باۋىرساق پەن ەلىمىزدىڭ تازا بالىن، ءتىپتى، ناۋرىز كوجەسىنە دەيىن دايىنداپ الا بارعان.
سونىمەن قاتار ۇلتتىق قولونەر بۇيىمدارىن دا قوناقتار الدىنا جايىپ سالىپ، ۇلتتىق مۋزكالىق اساپتارىمىزبەن اندەرىن اۋەلەتىپ، كۇيلەرىن قۇيقىلجىتا تارتىپ، قىتايلىق ازاماتتاردى ونەرىمەن تاڭعالدىرىپ جاتىر.
ءىس-شارانىڭ نەگىزگى ماقساتى - قازاقتىڭ مادەنيەتى مەن سالت-ءداستۇرىن بەيجىڭدىك تۇرعىندارعا تانىستىرۋ.
ەستەرىڭىزگە سالا كەتەيىك، ەرتەڭ، 29-ناۋرىزدا قوناقتاردى قىتايداعى قازاقستان تۋريزمى جىلىنىڭ رەسمي اشىلۋ سالتاناتى، مادەني باعدارلاماسى بار ەتنواۋىل، سونداي-اق كورنەكتى ارتىستەردىڭ قاتىسۋىمەن وتەتىن ۇلكەن گالا-كونسەرت كۇتىپ تۇر.
ايتا كەتەيىك، وسىعان دەيىن بەيجىڭ قالاسىندا قىتايداعى قازاقستاننىڭ تۋريزم جىلى رەسمي تۇردە باستالعانىن جازعان بولاتىنبىز.
سونداي-اق بەيجىڭدەگى قازاق ستۋدەنتەرى اتالمىش ءىس-شاراعا كەلگەن UFC ۇيىمىندا ونەر كورسەتەتىن تانىمال قازاقستاندىق فايتەر شاۆكات راحمونوۆپەن قوناق ءۇيدىڭ كىرەبەرىسىندە ەستەلىك سۋرەتكە ءتۇسىپ، قولتاڭبا العان بولاتىن.
اۆتور
كۇنسۇلتان وتارباي
