بەيجىڭدە جىلدىڭ باستى ساياسي وقيعاسى – بۇكىل قىتايلىق حالىق وكىلدەرى جينالىسىنىڭ سەسسياسى اياقتالدى

китай
Фото: Синьхуа

بەيجىڭ. KAZINFORM - بۇگىن تۇستەن كەيىن بەيجىڭدەگى حالىق ءماجىلىس زالىندا ق ح ر-داعى جىلدىڭ باستى ساياسي وقيعاسى - 14-بۇكىل قىتايلىق حالىق وكىلدەرى جينالىسىنىڭ 2-سەسسياسىنىڭ رەسمي جابىلۋ سالتاناتى ءوتتى.

سەزد دەلەگاتتارى 2023-جىلعا ارنالعان ورتالىق جانە جەرگىلىكتى بيۋدجەتتەردىڭ اتقارىلۋى تۋرالى ەسەپتەردى جانە 2024-جىلعا ارنالعان ورتالىق جانە جەرگىلىكتى بيۋدجەتتەردىڭ جوبالارىن، ۇكىمەتتىڭ جۇمىسى تۋرالى، ەلدىڭ 2023-جىلعا ارنالعان الەۋمەتتىك- ەكونوميكالىق دامۋ جوسپارى جانە 2024-جىلعا ارنالعان ەكونوميكالىق دامۋ جوسپارىنىڭ ورىندالۋى تۋرالى، الەۋمەتتىك سالانىڭ جوبالارىن بەكىتۋ تۋرالى قاۋلىلاردى قابىلدادى.

سونىمەن قاتار، ب ح ءو ج تۇراقتى كوميتەتىنىڭ جۇمىسى تۋرالى بايانداما بەكىتىلىپ، قىتايدىڭ جوعارعى حالىق سوتى مەن جوعارعى حالىق پروكۋراتۋراسىنىڭ جۇمىسى تۋرالى باياندامالار ماقۇلداندى.

سونداي-اق، دەپۋتاتتار ق ح ر مەملەكەتتىك كەڭەسىن ۇيىمداستىرۋ تۋرالى زاڭعا تۇزەتۋلەر جوباسىن قابىلداۋ ءۇشىن داۋىس بەردى.

بيىل قىتاي ۇكىمەتى باسشىسىنىڭ پارلامەنت وتىرىسى اياقتالعاننان كەيىنگى ءداستۇرلى باسپا ءسوز ءماسليحاتى وتكىزىلگەن جوق.

«بيىل ق ح ر مەملەكەتتىك كەڭەسى پرەمەرىنىڭ باسپا ءسوز ءماسليحاتى وتكىزىلمەيدى. ەرەكشە جاعدايلار تۋىنداماسا، ۇكىمەت باسشىسىنىڭ ب ح ءو ج سەسسياسىنان كەيىنگى باسپا ءسوز ءماسليحاتى الداعى بىرنەشە جىلدا بۇدان بىلاي وتكىزىلمەيدى»، - دەدى 14- ب ح ءو ج ەكىنشى سەسسياسىنىڭ باسپا ءسوز حاتشىسى لۋ جىڭجياڭ.

ب ح ءو ج اعىمداعى سەسسياسى ءبىر اپتاعا سوزىلىپ، 11-ناۋرىزدا اياقتالدى.

اۆتور

ەربول جانات

سوڭعى جاڭالىقتار