بەيجىڭدە شەكارادان وتەتىندەر سانى 7 ميلليوننان استى

استانا. KAZINFORM - جىل باسىنان بەرى بەيجىڭدە شەكارادان وتكەندەر سانى 7 ميلليوننان اسىپ، وتكەن جىلمەن سالىستىرعاندا %13,3 عا ارتتى، دەپ حابارلايدى شينحۋا.

قىتاي استاناسى شەكارالىق باقىلاۋ قىزمەتىنىڭ مالىمەتىنشە، وسى كەزەڭدە 2,28 ميلليوننان استام شەتەلدىك ازامات ەلگە كىرگەن. بۇل وتكەن جىلدىڭ سايكەس كەزەڭىمەن سالىستىرعاندا %34 عا كوپ.

25-ساۋىردەگى دەرەك بويىنشا، بەيجىڭگە كەلگەن شەتەلدىكتەردىڭ شامامەن 828 مىڭى ۆيزاسىز رەجيم نەمەسە ۋاقىتشا كىرۋ رۇقساتتارىن پايدالانعان. بۇل - جالپى كەلۋشىلەردىڭ %70,4 ىن قۇرايدى.

ماماندار مۇنداي ءوسىمدى ۆيزاسىز رەجيمنىڭ كەڭەيۋىمەن بايلانىستىرادى. قازىرگى تاڭدا قىتاي 50 ەل ءۇشىن ءبىرجاقتى ۆيزاسىز رەجيم ەنگىزگەن. سونىمەن قاتار 55 ەلدىڭ ازاماتتارىنا 240 ساعاتتىق ۆيزاسىز ترانزيت مۇمكىندىگى قاراستىرىلعان.

جولاۋشىلار اعىنىنىڭ ارتۋىنا بايلانىستى بەيجىڭدە شەكارالىق باقىلاۋ راسىمدەرى دە جەتىلدىرىلدى. اتاپ ايتقاندا، 240 ساعاتتىق ۆيزاسىز ترانزيتكە ءوتىنىش بەرۋشىلەر ءۇشىن «ءبىر تەرەزە» قىزمەتى ەنگىزىلىپ، تۋريستەرگە كەڭەس بەرۋ جانە ميگراتسيالىق كارتالاردى تولتىرۋعا كومەك كورسەتۋ ۇيىمداستىرىلعان.